स्याङ्जाका २ युवामा कोरोना पुष्टी

१३ जेठ, स्याङ्जा । स्याङ्जामा २ जना व्यक्तिमा कोरोना संक्रमणको पुष्टी भएको छ । भारतबाट जेठ १० गते आएर वालिङको क्वारेन्टीनमा बसेका २ जना पुरुषमा कोरोना संक्रमणको पुष्टी भएको हो । गण्डकी प्रदेश स्वास्थ्य निर्देशनालयका अनुशार उनीहरु वालिङ नगरपालिका वडा नम्वर ७ का २९ र २० बर्षका पुरुष रहेका छन् ।

दुवै जनालाई आईसोलेसनमा राख्नका लागि स्याङ्जा सदरमुकाम ल्याइएको प्रदेशका स्वास्थ्य निर्देशक डाक्टर बिनोद बिन्दु शर्माले पोखरामा पत्रकार सम्मेलन गरेर जानकारी दिएका हुन् उनीहरुको टोलीमा चापाकोट र हरिनासका व्यक्तिहरु रहेको बताईएको छ । त्यस मध्ये वालिङको क्वारेन्टीनमा रहेकाहरुको मात्र पीसीआर परिक्षण गरिएको तर अन्यको स्वाव संकलन गर्न नै बाँकी रहेको बताईएको छ ।

स्वास्थ्य कार्यालयलयले उनीहरुसँग सम्पर्कमा आएका व्यक्तिहरुको कन्ट्रयाक ट्रेसिङको काम शुरु भई सकेको जनाएको छ । शनिवार वालिङको क्वारेन्टीनमा बसेका २० जनाको पीसीआर परिक्षणका लागि स्वाव लिईएकोमा दुई जनाको नतिजा पोजेटिभ आएको हो ।

भारतको गाजियावादबाट आएका संक्रमित युवाहरुको साथमा आएकाहरुको खोजि कार्यलाई तिव्रता दिइएको स्वास्थ्य कार्यालय स्याङ्जाका प्रमुख यामप्रसाद पौडेलले जानकारी दिए । उनका अनुसार साथीहरुको खोजी कार्य भईरहेकाले जिल्लाबासीहरुलाई त्रसित नहुनसमेत आग्रह गरेका छन् ।