बहिनीलाई जवरर्जस्ती गर्ने दाजुमाथि अनुसन्धान जारी

१४ जेठ, स्याङ्जा । स्याङ्जामा नाताले आफ्नै दाइ पर्नेले बलत्कार गरी गर्भाधान गराएको भन्दै सात महिनापछि उजुरी परेको छ । जिल्लाको अर्जुनचौपारी गाउँपालिकामा आफ्नै जेठो बुवाको छोरा नाताले दाजु पर्ने व्यक्तिले गर्भाधान गराएको भन्दै उजुरी परेको हो ।

घटना सात महिनापछि सार्वजनिक भएको छ । ३४ वर्षिय दाजु पर्नेले बलत्कार गरी गर्भ बोकाएको भन्दै १९ बर्षीय युवतीले उजुरी दिएको जिल्ला प्रहरी कार्यालय स्याङ्जाले जनाएको छ । गत मंसिर ३ गते दिउँसोको समयमा घाँस काटन गएको र घाँस काटी सकेपछि तिर्खा लागि जेठो बुबाको छोरा दाई नाता पर्नेको घरमा पानी खान गएको बेला आफूमाथि जबर्जस्ती भएको युवतीको भनाइ रहेको प्रहरीले जनाएको छ ।

महिनावारी पहिले–पहिले पनि केही महिना रोकिने गरेको तर अहिले पेट पनि बढेपछि बल्ल आफू गर्भवती भएको थाहा पाएको युवतीको भनाई छ । दाजु नाता पर्ने उक्त पुरुषलाई प्रहरीले पक्राउ गरी अदालतबाट म्याद थप गरी अनुसन्धान गरिरहेको स्याङजाका प्रहरी प्रमुख एसपी बिमलराज कणेलले जानकारी दिए ।