क्वारेन्टाइनमा बस्न माग गर्दै सप्तरीको हनुमाननगरमा मजदुरले गरे प्रदर्शन
![नेपालबहस संवाददाता](
https://nepalbahas.prixacdn.net/media/albums/NB_E0Qh2H6kyW.jpeg
)
नेपालबहस संवाददाता
जेठ १८, २०७७ आइतबार २३:३९:१५
![](https://nepalbahas.prixacdn.net/media/albums/quarintine-basna-pradarsan_NjmMLZZvZI.jpg)
◊ धीरुभाइ
१८ जेठ, सप्तरी । सप्तरीको हनुमाननगर बजारमा भारतबाट आएका दुई नेपाली मजदुरहरुले क्वारेन्टाइनमा बस्न माग गर्दै आइतबार प्रदर्शन गरेको छ । भारतबाट मजदुरी गरी घर फर्किएका हनुमाननगर कंकालीनी नगरपालिका वार्ड नम्बर ७ निवासी दुई जना मजदुरहरुले क्वारेन्टाइनमा बस्न माग गर्दै हनुमाननगर बजार भरी प्रदर्शन गरी नगरपालिकाको कार्यालयसम्म पुगेका छन ।
जेठ १६ गते भारतको पञ्जाबबाट आइपुगेका वार्ड नम्बर ७ का अशोक मुखिया र श्यामु सदाले क्वारेन्टाइनमा बस्न सो वार्डका अध्यक्षलाई सम्पर्क गर्दा वेवास्ता गरेकोले प्रदर्शनमा उत्रिएको बताएका छन । भारतको संक्रमित पञ्जाबबाट घर आइपुगेपछि उनीहरुलाई छरछिमेक तथा परिवारका सदस्यले घरमा बस्न नदिइ क्वारेन्टाइनमा बस्न भनेपछि सम्बद्ध वडाध्यक्षलाई सम्पर्क गरेको तर, वडाध्यक्षले कुनै वास्ता नगरेको बताएका छन ।
घरमा पनि बस्न दिएन, उता क्वारेन्टाइनको पनि व्यवस्था नहुँदा एक रात सडकपेटीमा र अर्को रात कोसी प्रोजेक्टको जिर्ण भवनको ओडारमा रात बिताएको पीडा सुनाउँदै उनीहरुले ‘‘हनुमाननगर कंकालीनी नगरपालिका हामी भारतबाट आएका प्रवासी मजदुर मेयर साहेब हामी कहाँ जाउ” लेखेको प्लेकार्ड बोकेर प्रदर्शन गर्न बाध्य भएको बताए । भारतबाट नेपाल सीमासम्म लामो दुरी तय गर्दा निकै थकाइ लागेका छ उनले भने, घर आइपुग्दा न बस्न पाइएका छौ, न खान, न कसैको राम्रो व्यवहार । कसैले वास्ता नगर्दा झन पीडा भएको बताए ।
यता पछिल्लो सातामा भारतबाट नेपालीहरु आउन थालेपछि जिल्लाको प्रत्येक वार्डमा क्वारेन्टाइन निर्माण गरी क्षमता बढाउन निर्णय भएपनि हनुमाननगर कंकालीनी नगरपालिकाले कार्यान्वयन गर्न नसकेकोले भारतबाट आउने नेपालीहरु सिघै घर पुग्ने गरेको स्थानीयवासीहरुले बताए । यसले कोरोना भाइरसको संक्रमण फैलिन उच्च जोखिम बढेको छ भने स्थानीयमा त्रास उत्पन्न भएको छ ।
हनुमाननगर कंकालीनी नगरपालिका प्रदेश २ का सामाजिक विकास मन्त्री नवलकिशोर साहको गृह नगरपालिका हो । यसका प्रमुखमा उनकै छोरा शैलेशकुमार साह हुन । भारतीय सीमासँग जोडिएको सो नगरपालिकाले नगरको विभिन्न वार्डका गरी नौ स्थानमा क्वारेन्टाइन बनाइएको छ । तर, ती क्वारेन्टाइनहरु पनि मापदण्ड विपरित, अव्यवस्थित रहेको स्थानीयहरुले बताए ।
सो नगरपालिकाले ३७० बेडको क्वारेन्टाइन तयार गरेको दाबी गरेको छ । ती क्वारेन्टाइनहरुमा कूल १७९ जना बसिररहेको बताइएको छ । सो सम्बन्धमा थप बुझ्न नगरप्रमुख शैलेशकुमार साह र प्रमुख प्रशासकीय अधिकृत सुरेन्द्र यादवसँग पटक पटक सम्पर्क गर्न खोज्दा सम्पर्क हुन सकेन । सम्बद्ध वार्ड नम्बर ७ का अध्यक्ष पुगो दास भनिने लक्ष्मीप्रसाद दासले यो वार्डमा क्वारेन्टाइन व्यवस्थापन नहुदा समस्या भएको भन्दै अन्य वार्डमा व्यवस्था मिलाउँदैमै समय बितेको स्वीकारे । भारतबाट आउनेबितिकै उनीहरुले सम्पर्कमा आएको उनले क्वारेन्टाइन व्यवस्थानमा लागेकोले अब उपरान्त यस्तो समस्या नआउने बताए ।
नेपालबहस संवाददाता
नेपालबहस डटकमको अंग्रेजी संस्करणका साथै अनलाइन टीभी पनि सञ्चालित छ । फेसबुक र ट्वीटरमार्फत पनि हामीसँग जोडिन सकिनेछ । नेपालबहसमा प्रकाशित कुनै सामग्रीबारे कुनै गुनासो, सूचना तथा सुझाव भए हामीलाई [email protected] मा पठाउनु होला । धन्यवाद ।
लेखकबाट थपमधेस प्रदेशका मुख्यमन्त्री सिंहले असार २१ गते विश्वासको मत लिने
असार १४, २०८१ शुक्रबार
चाँदीको मण्डपसहित गहवामाईको रथयात्रा हुँदै
असार १४, २०८१ शुक्रबार
जनता आवास कार्यक्रम : मन्त्री सरोज यादवको पहलमा धर्नामा बसेका आन्दोलनकारीसँग सहमति
असार १३, २०८१ बिहिबार
सशस्त्र प्रहरीका एसपी र डीएसपी सरुवामा गृहमन्त्रीको मनलाग्दी
नेपालबहस संवाददाता
असार १२, २०८१ बुधबार
यी राशीमा ३ दिनपछि आर्थिक संकटको छायाँ पर्न सक्छ !
नेपालबहस संवाददाता
असार १२, २०८१ बुधबार
बसमा सवार यात्रुको मृत्यु, चालक र सहचालक पक्राउ
नेपालबहस संवाददाता
असार १३, २०८१ बिहिबार
रास्वपाको भविष्य छैन, दुर्घटना उन्मुख छः महामन्त्री मुकुल
नेपालबहस संवाददाता
असार १२, २०८१ बुधबार
बसमा सवार यात्रुको मृत्यु, चालक र सहचालक पक्राउ
असार १३, २०८१ बिहिबार
जङ्गलमा उम्रिएको झरी च्याउ टिप्दै महिला
असार १३, २०८१ बिहिबार
तपाईको आजको राशीफल कस्तो छ ?
असार १४, २०८१ शुक्रबार
सुदूरपश्चिमका १८ विद्यालयमा सेवा दल तालिम
असार १४, २०८१ शुक्रबार
विवादले काठमाडौं महानगरको नगरसभा रोकियो, उपमेयर डंगोलको पोर्चुगल भ्रमण पनि स्थगित
असार १४, २०८१ शुक्रबार
टेरामक्सबारे उचित दिन आएछ भने म यसको जवाफ दिनेछु : सांसद बस्नेत
असार १४, २०८१ शुक्रबार
सर्लाहीमा चट्याङ लागेर महिलाको मृत्यु
असार १४, २०८१ शुक्रबार
अन्नपूर्ण चक्रीय पदमार्गमा रहेको रुप्से झरना
असार १४, २०८१ शुक्रबार