रुकुम ‘पश्चिम’को घटनाले नेपालीको अनुहारमा कालो पोतेको सांसद थापाको टिप्पणी

१९ जेठ, काठमाडौं । नेपाली कांग्रेसका सांसद गगनकुमार थापाले रुकुममा भएको घटनाको छानबिन गरी दोषीलाई कानूनबमोजिम कारवाही गर्न माग गरेका छन् ।

प्रतिनिधिसभाको आजको शून्य समयमा सांसदले थापाले संविधानमा दलितको हकको स्पष्ट व्यवस्था भए पनि रुकुम ‘पश्चिम’को घटनाले नेपालीको अनुहारमा कालो पोतेको टिप्पणी गरेका हुन् ।

उनले बन्दाबन्दी अवधिमा मात्रै ३२ जनाको यसैगरी हत्या भएको जिकिर गर्दै घटनाबारे संसदीय छानबिन समिति गठन गर्न माग गरेका छन् ।

थापालेले बाँकेमा भएको सवारी दुर्घटनामा परी १२ जनाको निधन भएको प्रति दुःख व्यक्त गर्दै घाइतेको शीघ्र उपचारको व्यवस्था मिलाउन सरकारसँग आग्रह समेत गरेका छन् ।