केसी परिवारद्धारा कोरोना रोकथाम तथा नियन्त्रणका लागी स्वास्थ्य सामाग्री वितरण

१९ जेठ, नुवाकोट । नेपाली कांगेसका केन्द्रीय सदस्य एवं पूर्व स्वास्थ्य मन्त्री अर्जुननरसिंह केसीले नुवाकोटका स्थानिय सरकारसँग अहिलेको अवस्थाको बारेमा जानकारी लिएका छन् । नेता केसीले कोरोना संक्रमण बढ्दै गईरहेका बेला जिल्लाको बिभिन्न गाँउपालिकामा पुगी त्यहाँका प्रमुख एवं प्रतिनिधिहरुसँग स्वास्थ्य संस्थाको पूर्ब तयारीको अवस्था नागरिकको जीवन रक्षाको सवालसंग जोडिने भएकाले जिम्मेवारीबोधका साथ क्रियाशिल रहन सबै गाउपालिका प्रमुखहरु लाई सुझाव दिएका हुन् ।

साथै नेता केसीले गाँउपालिकाभित्र रहेका स्वास्थ्यचौकि, उपस्वास्थचौकि, सामुदायिक अस्पताल, आयुर्बेदलगायत गाउँपालिकाको नागरिकहरुको सुरक्षाको लागी खटिएका सुरक्षा अंगलाई अहिलेको अवस्थामा नागरिकको स्वास्थ्य सुरक्षाको लागी क्रियाशिल रहन आग्रह गरेका छन् ।

यसैबीच, कांग्रेस नेता केसीको संरक्षकत्वमा रहेको यशोदादेबी भगवानसिंह केसी मेमोरियल ट्रष्टले जिल्लाको बिभिन्न गाउँपालिकामा रहेको स्थानियतहका सबै स्वास्थ्यचौकि, उपस्वास्थ चौकिहरुमा ३० वटा स्वास्थ्य संस्थालाई ईन्फ्रारेड थर्मोमटर उपलब्ध गराएको छ । शिबपुरी, दुप्चेश्वर, तादि, सुर्यगढि र पन्चकन्या गाउँपालिका भित्रका ३९ वटा स्वास्थ्य संस्थालाई सम्बन्धीत गाउँपालिकाहरुमा पुगी अध्यक्ष, उपाध्यक्ष लगायत स्थानिय जनप्रतिनिधिहरुको उपस्थितिमा स्वास्थ्य सामाग्री बितरण गरिएको हो ।

गाउँपालिकाको सबै वडा तहमा रहेका स्वास्थ्य संस्थालाई शिबपुरीको अध्यक्ष रामकृस्ण थापा, दुप्चेश्वरको योबिन्द्र सिह तमाङ, तादिको नारायण पान्डे, सुर्यगढिको सन्त बहादुर घले, पन्चकन्याको तेजबहादुर तामाङ रमेशलाई ट्रष्टका अध्यक्ष डाक्टर केदारनरसिंह केसीले डिजिटल थर्मोमिटर हस्तान्तरण गरेको ट्रष्टका महासचिव तथा नुवाकोट कांग्रेसका सभापति जगदीश्वरनरसिंह केसीले जानकारी दिए ।

उक्त अवसमा महासचिब केसिले कोभिड १९ का विरुद्ध सम्पुर्ण बिश्व मानब एक भएर लडनु पर्ने र यस्तो परिस्थितिमा कसैले पनि राजनैतिक आस्था विश्वास भन्दा माथि उठेर जनताको सेवा गर्नुपर्ने बताएका छन् । ट्रस्टले नुवाकोटको सबै गाउँपालिकामा रहेका स्वास्थ्यचौकि र उपस्वास्थचौकि आयुर्बेद र सामुदायिक अस्पतालमा बिभिन्न चरणमा स्वास्थ सामाग्री बितरण गरिसकिएको छ ।

केहिदिन अघि त्रिशूली अस्पतालमा गरिएको कोरोनाको तिब्र परीक्षणमा केहीमा पोजेटिभ देखिएपछि जिल्लाभित्र कोरोना संक्रमण रोकथाम र नियन्त्रण सम्बन्धि पूर्वतयारीको अवस्थाका बारेमा गाँउपालिका स्तरमा नै पुगी केसी परिवारले जानकारी लिएका छन् ।