इम्प्याक्टद्धारा मुसहर र मरिक समुदायलाई राहत प्रदान

◊ धीरुभाइ

२० जेठ, सप्तरी । सरकारले कारेान भाइरस राेकथाम तथा नियन्त्रणका लागु गरेकाे लडकाउनबाट अति प्रभावित सप्तरीको राजविराज नगरपालिका ९ का दलित बस्तिका सदा (मुसहर) तथा मरिक समुदायका परिवारलाई मंगलबार राहत प्रदान गरेको छ । इम्प्याक्ट नेपाल प्राथमिक कान उपचार केन्द्र राजविराजले लकडाउन प्रभावित दैनिक ज्यालादारी दलित मजदुरहरुलाई राहत वितरण गरेको हो ।

इम्प्याक्टको सहयोगमा वार्ड नम्बर ९ अध्यक्ष शम्भुप्रसाद यादव लालीले वार्डको कृष्णानगरका दलित मुसहरका ३० घर परिवारलाई राहत वितरण गरे । त्यस्तै सोही वार्डको मलेठ स्थित डोम समुदायका १० घर परिवारलाई समेत राहत प्रदान गरेको छ । इम्प्याक्टले प्रति परिवार ३० किलो चामल, तीन किलो दाल, दुई किलो चिनी, दुई लिटर तेल, दुई किलो नून र चार वटा साबुन सहयोग गरेको इम्प्याक्टका नरेशकुमार यादवले जानकारी दिए ।

यसअघि सो संस्थाले राजविराज नगरपालिकाको कार्यालयलाई एन ९५ मास्क दुई सय, सर्जिकल मास्क दुई हजार, थर्मोमिटर लगायतको स्वास्थ्य सामग्री प्रदान गरेको थियो । कोरोना भाइरस संक्रमण न्यूनिकरण तथा रोकथामका लागि आवश्यक स्वास्थ्य सामग्रीसहित राहत प्रदान गरेकोमा राजविराज नगरपालिका कार्यालयका प्रमुख प्रशासकीय अधिकृत मदनकुमार थापाले धन्यवाद ज्ञापन गरे ।