बारा र पर्साका थप ५ जना कोरोना मुक्त

२२ जेठ, वीरगञ्ज । कोरोना भाइरसको संक्रमण मुक्त भएर बारा र पर्साका थप पाँच जना कोरोना मुक्त भएका छन् । नारायणी अस्पतालको मातहत रहेको कोभिड–१९ विशेष अस्थायी गण्डक अस्पतालमा भर्ना भएका पर्साका तीनजना र बाराका दुई डिस्चार्ज भएका हुन् ।

कोभिड अस्पतालका संयोजक डा। उदयनारायण सिंहका अनुसार उनीहरु पाँचैजनाको लगातार दुईपटकको रिपोटै नेगेटिभ आएपछि अस्पतालबाट डिस्चार्ज गरिएको जानकारी दिए ।

कोरोना भाइरसलाई जितेर अस्पतालबाट डिस्चार्ज हुनेमा पर्साको जिरा भवानी गाउँपालिका वडा नम्बर ४ का २५ वर्षीय पुरुष, वीरगञ्ज महानागरपालिका वडा नम्बर १६ का ७० वर्षीय पुरुष र वडा नम्बर ५ का २५ वर्षीय पुरुष रहेका छन् ।यस्तै बारामा कार्यरत दुईजना नेपाली सेनाका जवानहरु कोरोना भाइरसलाई जितेर डिस्चार्ज भएका छन्।