दैलेखमा एकै दिन १०६ जनामा कोरानाकाे पुष्टि, आम नागरिक त्रसित

२२ जेठ, दैलेख । कर्णाली प्रदेशमा कोरोना संक्रमण बढेसँगै आम नागरिकमा त्रास बढेको छ। कोरोना संक्रमणको तीव्र रुपमा फैलिइरहेको दैलेखमा आज एकैदिन १०५ जनामा कोरोना पुष्टि भएपछि स्थानिय नागरिक त्रसित भएका हुन् ।

कर्णाली स्वास्थ्य विज्ञान प्रतिष्ठान जुम्लामा संकलन भएर आएका स्वाबहरुको पीसीआर परिक्षण गर्दा कोरोना पुष्टि भएको हो। आज संक्रमित हुनेमा दैलेख जिल्ला नारायण नगरपालिका ६४ जना पुरुष र एक जना महिला रहेका छन् ।

त्यसैगरी दैलेखकै देबलकाँडा गाउँपालिकाका १२ जना पुरुष, सोत गाउँपालिकाका नौ जना पुरुष, मान्टाकुरा गाउँपालिकामा सात जना पुरुष साडु गाउँपालिकामा दुई जना पुरुष, भगनी गाउँपालिकामा पाँच जना पुरुष र बासकोट गाउँपालिकामा एक जनामा कोरोना पुष्टि भएको प्रतिष्ठानले जनाएको छ।

त्यसैगरी गुमु जिल्लामा खत्याड गाउँपालिकाका एक जनामा पनि कोरोना पुष्टि भएको छ । बिहीबार मात्रै दैलेख र मुगुमा गरि १०६ जनामा कोरोना पुष्टि भएको हो। यस कोरोना पुष्टि भएको कर्णाली प्रदेशको हालसम्मकै सबैभन्दा ठूलो संख्या हो ।

यस अघि कर्णालीमा छ वटा जिल्लामा २६८ जनामा कोरोना पुष्टि भएको थियो। ती मध्ये एक जनाको कोरोनाकै कारण मृत्यु भएको थियो। योसँगै कर्णालीमा कोरोना संक्रमितको संख्या ३७४ पुगेको छ।