रुकुम घटनाका दोषीलाई कार्यवाहीको माग गर्दै बुझाइयो ज्ञापनपत्र

◊ धीरुभाइ

२६ जेठ सप्तरी । संयुक्त दलित अधिकार परिषद् सप्तरीले आइतबार रुकुम चौरजहारी नगरपालिका सोती घटनाको निष्पक्ष छानवीनका गरी दोषीलाई कार्यवाही र छुवाछुत मुक्त राष्ट्र घोषणा व्यवहारमा लागुको माग गर्दै राजविराज नगरमा प्रदर्शन गरेको छ ।

परिषद्का अध्यक्ष प्रथमलाल रामको नेतृत्वमा राजनीतिक पार्टीका दलित जनवर्गीय संगठनहरु, दलित नागरिक समाजका अगुवा, महिला अधिकारकर्मीहरुले नगरमा प्रर्दशन गरेको हो । स्थानीय शिव मन्दिरको प्राङ्गनबाट शुरु भएको प्रदर्शन प्रमुख जिल्ला अधिकारीको निवासमा पुगेर ज्ञापनपत्र बुझाएको छ।

प्रर्दशनकारीहरुले जिल्ला प्रशासन कार्यलय सप्तरी मार्फत प्रधानमन्त्री केपीशर्मा ओलीलाई पठाइएको ज्ञापन पत्रमा घटनामा संलग्नहरुलाई कार्यवाही र पीडीत परिवारलाई क्षतिपूर्तिका उपलब्ध गराउन समेत माग गरेको महिला अधिकारकर्मी सुनिताकुमारी साहले बताइन ।