सप्तरीमा थप १६ जनामा काेराेना संक्रमण, संक्रमितको संख्या ९३ पुग्याे

◊ धीरुभाइ

२६ जेठ, सप्तरी । सप्तरीको बलान बिहुल गाउँपालिकामा सोमबार १६ जना नयाँ काेराेना संक्रमित थपिएको छ । यससँगै जिल्लामा कूल संक्रमितको संख्या ९३ पुगेको स्वास्थ्य कार्यालय सप्तरीका निमित प्रमुख दुनियालाल यादवले बताए ।

नयाँ संक्रमितहरु १२ वर्षदेखि माथि र ४५ वर्षमुनिको रहेका छ। उनीहरु सबै जना भारतको विभिन्न स्थानबाट फर्किएपछि गाँउपालिकाले सञ्चालन गरेको क्वारेन्टाइनमा रहेको उनले बताए ।

संक्रमितहरु गाउँपालिकाको वडा नम्बर ५ का ७ जना, वडा नम्बर ३ का ५ जना, वडा नम्बर ४ का ३ जना र वडा नम्बर २ का १ जना रहेको स्वास्थ्य कार्यालय प्रमुख यादवले जानकारी दिए ।