कोरोना संक्रमितको शव १५ घण्टादेखि आइसोलेसनमै !

२६ जेठ, पोखरा । पोखराको काेराेना अस्पतालमा आइतबार राति मृत्यु भएका ६० वर्षीय पुरुषको शव अझै व्यवस्थापन हुन सकेको छैन । आइतबार राति करिब साढे ११ बजे उपचारकै क्रममा मृत्यु भएको थियो । मृत्यु भएको करिब १५ घन्टासम्म शव आइसोलेसन कक्षमै राखिएको हाे ।

शव व्यवस्थापनका लागि पोखरा महानगरले अझै पनि ठाउँको टुंगो लगाउन सकेको छैन । मृतकको परिवारको सहमतिमा शव व्यवस्थापन गर्ने गरी ठाउँ खोजिरहेको छ । पोखरा महानगर स्वास्थ्य महाशाखा प्रमुख हेमन्त पौडेलले  कोरोनाबाट मरेकाहरुको शव व्यवस्थापन गर्न छुट्टै कार्यविधि छ । त्यही कार्यविधि अनुसार लाश गाड्न यार्ड खोजिरहेकाे बताए ।

शर्माले अस्पतालसँग आफूहरुले सम्पर्क भने नराखेको बताए । शव व्यवस्थापनका लागि पोखरा फूलबारीस्थित भगवती दल गणलाई जिम्मा दिइएको छ । गणका कर्णेल मदनजंग कार्कीले महानगरले शव व्यवस्थापन ठाउँ व्यवस्था गरे आफूहरु तत्काल फिल्डमा खटिने जानकारी दिए ।

स्याङ्जा वालिङ निवासी ती व्यक्ति २३ गते अस्पताल भर्ना भएका थिए । २२ गते सुनौली नाकाबाट वालिङ नगरपालिकाले उद्धार गरेका उनलाई स्वास्थ्यमा समस्या देखिएपछि पोखरा पठाइएको थियो । पोखरा आफन्तको आइसकेपछि उनलाई बल्ल अस्पताल भर्ना गरिएको थियो ।

गण्डकी स्वास्थ्य निर्देशनालयले कोरोनाबाट मृत्यु भएका ती पुरुषसँग सम्पर्कमा आएकाहरुको कन्टयाक ट्रेसिङ सुरु गरेको छ । उनी स्याङ्जाबाट पोखरा छाेरीको घरमा आएपछिमात्रै अस्पताल भर्ना भएका थिए ।