जडिबुटी चोकमा कारले स्कुटरलाई ठक्कर दिँदा महिलाकाे मृत्यु

२७ जेठ, काठमाडौं । भक्तपुर–कोटेश्वर सडक खण्डको जडिबुटी चोकमा एउटा कारले स्कुटरलाई ठक्कर दिएको छ । मंगलबार बिहानै कारको ठक्करबाट स्कुटी चलाक सुप्रभा लुइँटेल गम्भिर घाइते भएकी थिइन् । दुर्घटना लगतै अत्याधिक रक्तस्राव भएकाे स्कुटर चालक लुइँटेलको ग्वार्कोस्थित बिएण्ड बी अस्पतालमा उपचारको क्रममा मृत्यु भएको महानगरीय ट्राफिक प्रहरी महाशाखाका प्रहरी उपरीक्षक जीवन श्रेष्ठले जानकारी दिए ।

पेप्सिकोलाबाट कोटेश्वर जाँदै गरेको प्रदेश ३-०२-००५-प १५९८ नम्बरको स्कुटरलाई सोही दिशातर्फ गइरहेको प्रदेश ३-०१-०२२ च ८५१ नम्बरको कारले जडिबुटीमा ठक्कर दिएको ट्राफिक प्रहरीले जनाएको छ । सरकारले जारी गरेको बन्दाबन्दीका कारण बाटो खुल्ला छ । अतिआवश्यक कामले मानिसहरु सडकमा हिँडिरहेका छन् । यात्रामा सावधानी नअपनाउँदा दुर्घटनाका समाचारहरू दिनहुँ बढिरहेकाे प्रहरीले जनाएकाे छ ।