नेपालमा कोरोना संक्रमितको संख्या ४ हजार ८५ पुग्यो

२७ जेठ, काठमाडौं । नेपालमा काेराेना भाइरस संक्रमितको संख्या ४ हजार ८५ नाघेको छ । स्वास्थ्य तथा जनसंख्या मन्त्रालयले अघिल्लो दिनको तुलनामा मंगलबार ३२३ ले संक्रमितको संख्या बढेको जनाएको छ। जसमा २९२ जना पुरुष र ३१ जना महिला छन्।

त्यस्तै कोरोनाका कारण अहिलेसम्म १४ जनाको मृत्यु भएको मन्त्रालयले जनाएको छ। हालसम्म १ लाख ६ हजार ३३१ जनाको पीसीआर परीक्षण गरिएको छ। आजै मात्र ९६ जना डिस्चार्ज भएका छन्। योसहित डिस्चार्ज हुनेको संख्या ५८४ पुगेको छ।