याे समय १० अर्बको हिसाब खोज्ने होइन : प्रधानमन्त्री ओली

२८ जेठ, काठमाडौं । प्रधानमन्त्री केपी शर्मा ओलीले अहिले १० अर्बको हिसाब खोज्ने होइन समय नभएको बताएका छन् । प्रधानमन्त्री तथा मन्त्रिपरिषद कार्यालयको बजेटमाथि उठेका प्रश्नहरुको जवाफ दिँदै प्रधानन्त्री ओलीले अहिले कोरोनाविरुद्ध केन्द्रित हुने बेला भएको बताएका छन् ।

उनले कोरोना नियन्त्रण तथा उपचारमा खर्च भएको १० अर्ब रुपैयाँको हिसाब खोज्ने बेला नभएको बताउदै जेमा पनि अनियमितता देख्ने प्रवृत्ति रहेको भन्दै त्यसमा नबग्न सांसदहरुलाई आग्रह गरेका छन् ।

यदि कतिकतै अनियमितता भएको भए छानबिन गर्ने र दोषी पाइए कारबाही प्रधानमन्त्री ओलीले गर्ने बताए । उनले अहिले काम गरिएकोहरुलाई शंका गर्नु उपयुक्त नहुने पनि जिकिर गरे ।