लकडाउन भोलिदेखि नै खुकुलो पार्ने निर्णय

२८ जेठ, काठमाडौं । मन्त्रिपरिषद् बैठकले लकडाउन खुकुलो पार्ने निर्णय गरेको छ। यसबारे विस्तृत जानकारी बिहीबार सूचना तथा सञ्चार मन्त्रालयमा आयोजित हुने पत्रकार सम्मेलनमार्फत दिइने छ ।

प्रधानमन्त्री केपी शर्मा ओलीको अध्यक्षतामा बुधबार साँझ बालुवाटारमा बसेको मन्त्रिपरिषद् बैठकले लकडाउन खुकुलो पार्ने निर्णय गरेको छ । आज अबेर राति मन्त्रिपरिषद् बैठक सकिएकाले विस्तृत विवरण भोलिको पत्रकार सम्मेलनमा दिइने छ ।

सरकारले लकडाउन चरणबद्ध रुपमा खुकुलो पार्ने निर्णय मन्त्रिपरिषद्‌ले गरेको बुझिएको छ। सवारी साधन सञ्चालन खुकुलो पार्नेसम्बन्धी केही निर्णय समेत भएको छ ।

भोलिदेखि नै लागू हुने गरी लकडाउन खुकुलो पारिएको बुझिएको छ । प्रधानमन्त्री ओलीले पनि संसद बैठकमा बुधबार लकडाउन खुकुलो पार्नेसम्बन्धी विशेष निर्णय बुधबार साँझको मन्त्रिपरिषद्‌ले गर्ने जानकारी दिएका थिए।