निजी सवारीसाधन जोर बिजोरका आधारमा सञ्चालन हुने

२८ जेठ, काठमाडाैं । मन्त्रिपरिषद्को बुधबार राति सम्पन्न बैठकले  निजी सवारीसाधन जोर-बिजोरका आधारमा सञ्चालन गर्न दिने निर्णय पनि भएको छ । तर सार्वजनिक यातायात भने तत्काल नखोल्ने निर्णय भएको छ।

मन्त्रिपरिषद्को आज बसेको बैठकले बिहिबारदेखि सुरक्षा अपनाएर पसल व्यवसाय सञ्चालन गर्न दिने तथा निजी सवारी साधन चल्न दिने निर्णय गरेको हो । यस्तै बैठकमा यसवर्षको एसईई परीक्षा नलिने निर्णय पनि भएको छ ।

गत चैत ११ गतेदेखि जारी लकडाउनले चौतर्फी असर परेपछि सरकारमाथि लकडाउन खुकुलो बनाउन दवाव बढ्दै आएको थियो । सोही अनुसार सरकारले लकडाउन खुकुलो बनाउने गरी निर्णय गरेको हो । विज्ञहरुले पनि कोरोना महामारी लामो समय जाने देखिएको भन्दै लकडाउनको मोडालिटी परिवर्तन गर्न सुझाउँदै आएका थिए ।