क्वारेन्टाइनमा रहँदा आरडीटी नेगेटिभ, अवस्था गम्भीर भएपछि पोजेटिभ !

२९ जेठ, कैलाली । कैलालीमा आरडिटी पोजेटिभ देखिएका एक जना पुरुषको अवस्था गम्भीर भएपछि आईसीयूमा भर्ना गरिएको छ ।

बुधबार घोडाघोडी नगरपालिका–११ का ४८ वर्षीय पुरुषको स्वास्थ्यमा समस्या देखिएपछि सेती अस्पतालले आईसीयुमा भर्ना गरिएको हो ।

श्वासप्रश्वासमा समस्या देखिएपछि उनलाई अस्पतालको आइसीयूमा भर्ना गरिएको छ । तीन दिन पहिले पनि उनलाई सेती अस्पताल लगिएको थियो । तर, कोरोनाको कुनै लक्षण नदेखिएको भन्दै अस्पतालले घर फर्काइदिएको थियो ।

क्वारेन्टाइनमा रहँदा उनको आरडीटी नेगेटिभ आएको र अस्पतालमा पुनः परीक्षण गर्दा पोजेटिभ देखिएको छ । उनी २३ जेठमा भारतको दिल्लीबाट आएका थिए ।