सरकारले यातायातका विषयमा व्यवसायीहरुसँग छलफल गर्ने

२९ जेठ, काठमाडौं । सरकारले दुई सिफ्टमा सरकारी कार्यालय खोल्ने तयारी गरेको छ । बुधबार बसेको मन्त्रिपरिषद बैठकले भिडभाड नहुनेगरी दुई सिफ्टमा कार्यालय खोल्ने निर्णय भएको हो ।

बैठकको निर्णय अनुसार बिहान ८ बजेदेखि १ बजेसम्म एक सिफ्ट र दिउसो १ बजेदेखि साँझ ६ बजेसम्म अर्को सिफ्ट सरकारी कार्यालय खुल्नेछन्। दुई सीफ्टमा काम गर्ने गरी सरकारी कार्यालय खोल्ने निर्णय भएको छ। यसो गर्दा काम पनि पुरै हुने र भिडभाड पनि रोक्न सकिन्छ भन्ने रहेको छु ।

सार्वजनिक यातायातलाई सञ्चालन गर्ने विषयमा पनि सरकारले व्यवसायीहरुसँग छलफल गर्ने भएको छ । भौतिक दुरी कायम गरेर सार्वजनिक यातायात सुचारु गर्न सकिन्छ की सकिदैन भनेर यातायात व्यवसायीहरुसँग सरकारले छलफल गरेपछि मात्रै निर्णय हुने छ ।

सरकारले बिहीबारदेखि नै लागु हुनेगरी जोर बिजोर प्रणाली अनुसार निजि सवारी साधन चलाउन सकिने निर्णय गरेको छ। निजी गाडीमा चालक बाहेक २ जना र मोटरसाइकलमा १ जना मात्रै बस्न पाउनेगरी सवारी साधन चलाउन दिने निर्णय समेत भएको छ।