सप्तरीमा कोरोना भाइरस संक्रमितको संख्या १२१ पुग्याे

◊ धीरुभाइ

२९ जेठ सप्तरी । सप्तरीमा कोरोना भाइरस संक्रमितको संख्या १२१ पुगेको छ । आज जिल्लाको हनुमाननगर कंकालीनी नगरपालिका ६ जना संक्रमित थपिएको छ । उनीहरु १५ वर्षदेखि माथि र ३८ वर्षमुनिका छन । संक्रमितहरु अहिले क्वारेन्टाइनमै रहेको छ ।

हिजो छिन्नमस्ता गाउँपालिकामा एक महिलासहित छ जना र बोदेबर्साइन नगरपालिकामा तीन जना संक्रमति थपिएको थियो । नयाँ थप भएको संक्रमितहरुको पीसीआर परीक्षण बीपी कोइराला स्वास्थ्य विज्ञान प्रतिष्ठान घरानमा गरिएको स्वास्थ्य कार्यालय सप्तरीका निमित प्रमुख दुनियालाल यादवले जानकारी दिए । उनीहरु सबै जना भारतको विभिन्न स्थानबाट आएका व्यक्तिहरु रहेको बताए ।

थप भएको संक्रमितसहित जिल्लाको बोदेबर्साइन नगरपालिकामा २४, डाक्नेश्वरी नगरपालिकामा १२, राजगढ गाउँपालिकामा १३, हनुमाननगर कंकालीनी नगरपालिकामा १२, छिन्नमस्ता गाउँपालिकामा १५, राजविराज नगरपालिकामा १२, बलान बिहुल गाउँपालिकामा २७, सुरुङ्गा नगरपालिका, विष्णुपुर गाउँपालिका, तिरहुत गाउँपालिका, शम्भुनाथ नगरपालिकामा एक÷एक र कञ्चनरुप नगरपालिकामा दुई जना संक्रमित पुगेको स्वास्थ्य कार्यालयका निमित प्रमुख यादवले बताए । जिल्लाका संक्रमितहरु भारतको विभिन्न स्थानबाट आएको यात्रा बृतान्त रहेको उनले बताए ।