विश्वभर शेयर बजारमा भारी गिरावट

३० जेठ, काठमाडौं । कोरोना भाइरस संक्रमणको दोस्रो चरणको लहर फैलिन सक्ने र त्यसले अर्थतन्त्रमा पार्ने प्रभावको चिन्तालाई लिएर विश्वभर शेयर बजारमा भारी गिरावट आएको छ ।

अमेरिकी अर्थतन्त्रमा सुधार आउन लामो समय लाग्न सक्ने त्यहाँको केन्द्रीय बैंकको चेतावनीलगत्तै विश्वभर शेयर बजारमा भारी गिरावट आएको हो ।

अमेरिकामा तीन मुख्य शेयर इण्डेक्समा साताकै सबैभन्दा धेरै गिरावट देखिएको छ । डाव जोन्सको औद्योगिक सूचकमा करिब ७ प्रतिशतले गिरावट आएको छ।

शुक्रबार एशियामा पनि शेयर बजारमा गिरावट देखिएको छ । तेलको मूल्यमा ठूलो क्षति भइरहँदा ऊर्जा तथा यात्रासम्बन्धी स्टकमा सबैभन्दा बढी क्षति पुगेको छ।