वेवारिसे अवस्थामा मृत भेटिएका युवकमा कोरोनाको पुष्टि

३१ जेठ, वीरगन्ज । वीरगन्जस्थित घण्टाघर क्षेत्रमा वेवारिसे अवस्थामा मृत भेटिएका युवकमा कोरोना भाइरसको संक्रमण पुष्टि भएको छ। शुक्रबार साँझ आएको स्वाबको नतिजामा मृतक युवकमा संक्रमण देखिएको नारायणी अस्थायी अस्पतालले पुष्टि गरेकाे हाे ।

अन्दाजी २५ वर्षीय युवकको शव अहिले नारायणी अस्पतालमै राखिएको छ। युवकको प्रोटोकल अनुसार शव व्यवस्थापन गर्ने तयारी रहेको छ । गत जेठ २८ गते वेवारिसे अवस्थामा युवकको शव घण्टाघर क्षेत्रमा भेटिएको पर्सा प्रहरीले जनाएकाे छ । युवकको बाँकी ठेगाना भने खुल्न बाँकी रहेको छ ।

युवकको मृत्युपछि कोरोना पुष्टि भएकोबारे स्वास्थ्य मन्त्रालयलाई जानकारी गराइएको अस्पतालले जनाएको छ। मन्त्रालयले भने यसबारे औंपचारिक जानकारी गराउन बाँकी छ। योसँगै नेपालमा कोरोनाबाट मृत्यु हुनेको संख्या १७ पुगेको छ।