संविधान संशोधनका लागि ‘हुन्छ’ र ‘हुन्न’ मा मतदान गर्ने काम हुँदै

जेठ ३१, काठमाडौं । नेपालको संविधान दोस्रो संशोधन प्रस्तावमा मतदान सुरु भएको छ। प्रतिनिधि सभामा उपस्थित सदस्यहरुले मतपत्रमा ‘हुन्छ’ र ‘हुन्न’ मा चिन्ह लगाउँदै हस्ताक्षर गरिरहेका छन् । सभामुख अग्निप्रसाद सापकोटाले प्रस्तावको पक्षमा हुने सांसद र प्रस्तावको विपक्षमा हुने सांसद्हरूका लागि छुट्टाछुट्टै स्थानमा मतदानको व्यस्था गरेका छन् । तर सबै सांसद्हरू प्रस्तावको पक्षमा रहेको देखिएको छ ।

नेपालको संविधान दोस्रो संसोधन विधेयक २०७७ नाम दिइएको छ । अहिले सांसदहरूले मतदान गरिरहेका छन् । यसअघि संशोधन विधेयकका पक्षमा दलका नेताहरुले धारणा राखिरहेकै समयमा सभामुख सापकोटाले मतदान केन्द्रको अनुमगन गरेका थिए । सभामुखले मतदान पूर्व मतदाता सबै संसदहरुलाई मतदानको प्रक्रियाबारे बताएका थिए । मतदान कार्यमा भुल भएमा संसदले तीन मिनेट भित्र सच्याइसक्नुपर्ने छ ।