असार ७ गते वलय सूर्यग्रहण लाग्दै, नेपालबाट भने खण्डग्रास मात्र देखिने

३२ जेठ, काठमाडौं । असार ७ गते आइतबार वलय सुर्यग्रहण लाग्ने भएको छ । नेपाल एस्ट्रोनोमिकल सोसाइटीका अनुसार सुर्यग्रहण वलय भए पनि नेपालबाट भने खण्डग्रास मात्र देखिनेछ।

सो दिन काठमाडौंमा सूर्यग्रहण १० बजेर ५३ मिनेटमा सुरू हुनेछ भने दिउँसो २ बजेर २४ मिनेटमा सकिनेछ। काठमाडौंबाट देखिने सुर्यग्रहणमा चन्द्रमाले ८५ प्रतिशतले ढाक्ने सोसाइटीले जनाएको छ। त्यस्तै सबैभन्दा बढी चन्द्रमाले सूर्यलाई ढाकेको देखिने धनगढीबाट हो। त्यहाँ देखिने चन्द्रमाले ९१ प्रतिशतले सूर्यलाई ढाक्नेछ।

नेपालमा पूर्ण रूपमा वलय देखिन सन् २०६४ फेब्रुअरी १७ सम्म कुर्नुपर्ने हुन्छ। जुन प्रदेश-१को दक्षिणपूर्वी भागबाट देखिन्छ । सोसाइटीका अनुसार यसअघि नेपालमा सन् १९६५को नोभेम्बर २३ तारिख बिहान देखिएको थियो। पूर्ण वलय सुर्यग्रहणलाई रिङ अफ फायरु भन्ने गरिएको छ। जसलाई निकै दुर्लभ मानिन्छ। यो ग्रहणलाई नाङ्गो आँखाले हेर्न हुँदैन । यो हेर्दा

विषेश खालको चस्मा वा टेलिस्कोप, बाइनाकुलरबाट पनि फिल्टर राखेर हेर्नुपर्छ। तेसो टेलिस्कोप तथा बाइनाकुलरबाट हेर्दा पनि ध्यान पुर्‍याउनुपर्ने हुन्छ । टेलिस्कोपबाट हेर्दा पनि फिल्टरलाई ध्यानपूर्वक मिलाएर राख्नु पर्ने हुन्छ। नजानेर फिल्टर आँखापट्टि राखियो भने आँखामा असर पर्छ ।

सोसाइटीले आइतबार देखिने सूर्यग्रहण हेर्न देशका विभिन्न स्थानमा रहेका कार्यालयमा व्यवस्था मिलाइसकेको थियो। तर कोरोना भाइरसको महामारीका कारण त्यसलाई रोकिएको सोसाइटीले जनाएको छ।