गल्याङका नगरप्रमुखको लज्जास्पद माग र धम्की

३२ जेठ, काठमाडौं । समाचार प्रकाशनको सन्दर्भलाई लिएर स्याङ्जाको गल्याङ नगरपालिकाका नगर प्रमुुख भूपराज अधिकारीले नेपालबहस डटकमलाई फेरि धम्क्याएका छन् । नेपालबहस डटकममा प्रकाशित एउटा समाचारबाट त्रस्त भएका नगर प्रमुुख अधिकारीले समाचार लेख्ने व्यक्ति र स्रोत नदिए कारवाहीको धम्की दिएका हुन् ।

यही जेठ २९ गते नगर प्रमुख अधिकारीले हस्ताक्षर गरी ईमेलमार्फत पठाएको पत्रमा समाचार प्रेषकको नाम र ठेगाना तथा समाचारको स्रोत स्पष्ट नगरे सूचनाको हकको प्रयोग गरी थप कारवाहीको प्रक्रिया थाल्ने चेतावनी दिएका छन् । केही दिन अघि गल्याङ नगरपालिकाका स्वास्थ्य संयोजक लीलाबल्लौ भण्डारीको आत्महत्याको विषयलाई लिएर नेपालबहस डटकममा समाचार प्रकाशन भएको थियो । उक्त समाचारले आफ्नो चरित्रहत्या गरेको भन्दै नगरप्रमुख अधिकारीले यसअघि पनि आपत्ति जनाएका थिए ।

नगर प्रमुुख जस्तो गरिमामय पदमा आसिन अधिकारीले पत्रकारिताको सामान्य सिद्धान्तबारे ज्ञानै नराखी यस्तो लज्जास्पद पत्र पठाएको पाइएको छ । पत्रकार आचारसंहिता विपरित समाचार प्रकाशन गरेको भनी दावी गर्ने नगर प्रमुख अधिकारीले यसलाई पुुष्टि गर्ने एउटै पनि आधार प्रस्तुुत गर्न सकेका छैनन् । बरु समाचार प्रकाशन भएपछि उनको कार्यशैली र भूूमिकाप्रति धेरैले प्रश्न उठाएको पाइन्छ ।

अल्प ज्ञान भयंकरम् भने जस्तो अवस्थामा रहेका नगर प्रमुख अधिकारी एउटा गलत कामको ढाकछोप गर्न अर्काे गलत काम गर्न हौसिएका छन् । नगर प्रमुुख अधिकारीको नामबाट प्रेषित पत्रमा सूूचनाको हकको प्रयोग गरी समाचार प्रेषकको नाम र ठेगाना तथा समाचारको स्रोत प्राप्त गर्ने धम्की दिएका छन् । जबकी सूचनाको हकको प्रयोग कसले, कसरी गर्ने हो र कुुन प्रक्रिया अनाउनुुपर्छ भन्ने विषयमा भने उनी पूूर्णतः अनभिज्ञ रहेको देखिन्छ ।

जबकी उनी सार्वजनिक पदमा आसिन व्यक्ति हुन् र नगरपालिकाभित्रको खरिदलगायतका विषयमा पत्रकारले नै आवश्यक सुचना पाउदैनन् । आम नागरिक र सञ्चारकर्मीले नगरपालिका भित्रका गतिविधि बारे सुचनाको हक प्रयोग गर्नु पर्नेमा उल्टो उनैले सञ्चारमाध्यमसँग सुचनाको हक माग्नुले नगरप्रमुख अधिकारी हास्यको पात्र भएका छन् । तर उनीमा अलिकति पनि लज्जाबोध भएको देखिदैन् भने नगरप्रमुखले जागिर दिएर राखिएका प्रेस संयोजक र कानुनी सल्लाहकारका भूमिका माथि पनि प्रश्न उठेको छ । जनताको करबाट तलबभत्ता बुझ्ने उनीहरुले नगरप्रमुखलाई कस्तो सल्लाहसुझाव दिन्छन् भन्ने पनि यही पत्रबाट छलङ्ग हुन्छ ।

पत्रकार आचारसंहिताको दफा ६ ले सञ्चारमाध्यम समाचारको स्रोत खोल्न बाध्य नहुने भन्दै सुुरक्षाको प्रत्याभूूति दिएको छ ।अझ संविधानले नै गोपनियताको हकको सम्मान गर्दै अदालतले समेत समाचारको स्रोत खोल्न बाध्य नपार्ने गरेको इतिहास साक्षी छ । किनभने समाचार स्रोत खोल्दा उसको जीउज्यानमाथि खतरा आउने अवस्था देखेमा पत्रकारले नखोल्न सक्ने व्यवस्था आचारसंहितामा गरिएको छ । किनभने ओहोदामा रहेको व्यक्ति शक्ति र साधन सम्पन्न हुने हुँदा निम्छरो अवस्थाको स्रोत मर्कामा पर्न सक्ने हुनसक्छ ।

उक्त समाचारमा पनि त्यही सिद्धान्त आकर्षित हुुने अवस्था छ । नेपालबहस डटकमको समाचार स्रोत नगरप्रमुुख अधिकारीको तुुलनामा कमजोर भएकाले उसको जीउज्यानमै खतरा देखिएकोले स्रोत खुुलाउने अवस्था देखिन्न । साथै, नगरप्रमुख अधिकारीले समाचारको खण्डन गर्न समेत माग गरेका छन् । समाचार खण्डनको लागि आग्रह गर्ने उनको हक हो । तर त्यसको पनि एउटा प्रक्रिया र शैली हुन्छ । नगर प्रमुुख अधिकारीले धम्कीको भाषामा संप्रेषण गरेको पत्रलाई आधार बनाएर खण्डन प्रकाशन गर्नु उचित होइन ।

यद्यपि उक्त समाचारको स्रोत र घटनाप्रति नेपालबहस डटकम विश्वस्त छ । नगर प्रमुुख जस्तो गौरवशाली पदको ख्यालै नराखी सञ्चारमाध्यमलाई धम्कीपूूर्ण भाषामा पत्र संप्रेषण गर्ने काम आफैंमा आपत्तिजनक रहेको छ ।