सप्तरीमा थप १० जनामा कोरोनाको पुष्टि, संक्रमित संख्या १४८ पुग्यो

◊ धीरुभाइ

३२ जेठ, सप्तरी । सप्तरीमा आज थप १० जनामा कोरोना भाइरसकाे पुष्टि भएको छ । यससँगै जिल्लामा कूल संक्रमित संख्या १४८ पुगेको छ । जिल्लाको बोदेबर्साइन नगरपालिकामा आठ र खडक नगरपालिकामा दुई जना नयाँ संक्रमित थपिएको स्वास्थ्य कार्यालय सप्तरीका निमित प्रमुख दुनियालाल यादवले बताए ।

संक्रमितहरु १८ वर्ष माथि र ३६ वर्षमुनिका रहेका छन्र। नयाँ संक्रमितहरु अहिले क्वारेन्टाइनमै रहेको र उनीहरुको आइसोलेसनमा राखिने व्यवस्थापन भइरहेको छ ।

नयाँ थपिएको संक्रमितसहित जिल्लाको बोदेबर्साइन नगरपालिकामा ३३, डाक्नेश्वरी नगरपालिकामा १२, राजगढ गाउँपालिकामा १३, हनुमाननगर कंकालीनी नगरपालिकामा २७, छिन्नमस्ता गाउँपालिकामा १५, राजविराज नगरपालिकामा १२, बलान बिहुल गाउँपालिकामा २७, खडक नगरपालिकामा तीन, सुरुङ्गा नगरपालिका, विष्णुपुर गाउँपालिका, तिरहुत गाउँपालिका, महदेवा गाउँपालिका, शम्भुनाथ नगरपालिकामा एक/एक र कञ्चनरुप नगरपालिकामा दुई जना संक्रमित पुगेको स्वास्थ्य कार्यालयका निमित प्रमुख यादवले बताए ।

जिल्लाका संक्रमितहरु भारतको विभिन्न स्थानबाट आएको यात्रा बृतान्त रहेको उनले बताए। जिल्लामा हालसम्म २१ जना निको भएर घर फर्किसेका छन ।