हेर ! यस्तै छु म

तिमीले देखेभन्दा फरक छु म
तिमीले सोचेभन्दा भिन्न छु म
जिन्दगीको लामो यात्रामा दौडिँदै छु म
जीवनको पाना पानामा रंगिदै छु म

केही सिक्दै त केही सिकाउँदै
केही जान्दै त केही बुझाउँदै
केही दिँदै त केही पाउँदै
केही पाउँदै त केही गुमाउँदै

लड्छु म कहिले त उठ्छु पनि
विर्सन्छु म कहिले त सम्झन्छु पनि
लिँदै छु म ज्ञान विगतका गल्तिहरुबाट

खुशी छु म आज आफ्नै अनुभवबाट
हरेक बिहानी आउँछ आशाको किरण जगाउँदै
मेरो आत्माविश्वासलाई अझै बढाउँदै

हेर ! यस्तै छु म
तिमीले देखे र सोचेभन्दा भिन्न छु म
बनाउँछ छायाँलाई हरदम कोमल र प्रेमल
उसलाई जति हेर्यो त्यती मन प्रफुलित र निर्मल
छन् गहन अनुभुती र अविस्मरणीय दृश्य
छन् सबै थोक यसमा हर पाप र पुन्य

हो आनन्दको महासागर, परमानन्दको जगत
यो हो आँखा बन्द गरेर देखिने जगत
केबल मेरो अन्तरजगत ।।