बहुविवाहका अभियुक्त सात वर्षपछि पक्राउ, आजै जेल चलान

◊ धीरुभाइ

१ असार, सप्तरी । बहुविवाह मुद्दाका एक अभियुक्तलाई पक्राउ गरी सोमबार जेल चलान गरेको छ । सजाय तोकिएपछि फरार अभियुक्त सात वर्षपछि पक्राउ परेको हो ।

जिल्ला अदालत सप्तरीबाट बहुविवाह मुद्दामा सजाय तोकिएको सप्तरीको बोदेबर्साईन नगरपालिका ९ देउरी बस्ने ठकाई साहको २७ वर्षीय छोरा फरार प्रतिवादी बिश्वनाथ साहलाई पक्राउ गरी राजविराज कारागार पठाइएको प्रहरीले बताइएको छ ।

जिल्ला अदालत सप्तरीले २०७० माघ १२ गते बहुविवाह मुद्दामा सजाय तोकिएको थियो । त्यसपछि फरार साहलाई विषेश सुराकीको आधारमा ईलाका प्रहरी कार्यालय कडोरवोनाबाट खटिएको प्रहरी टोलीले नियन्त्रणमा लिई सोमबार अदातल उपस्थित गराइ कारागार चलान गरिएको प्रहरी प्रवक्ता प्रहरी नायब उपरीक्षक तिलक भारतीले जानकारी दिए ।