झापा, मोरङ र उदयपुर थपिए १४ कोरोना संक्रमित

३ असार, विराटनगर । प्रदेश १ मा थप १४ जना कोरोना संक्रमीत थपिउका छन् । सामाजिक विकास मन्त्रालयका अनुसार पछिल्लो २४ घण्टामा झापा, मोरङ र उदयपुरका गरी १४ जना संक्रमित थपिएका छन् ।

मोरङको रतुवामाई नगरपालिकामा ९ जना, झापाको झापा गाउँपालिकामा १ जना र उदयपुरको त्रियुगा नगरपालिकामा ४ जनामा कोरोना संक्रमण देखिएको हो । प्रदेश १ मा कोरोना संक्रमितमध्ये १८१ जना उपचारपछि डिस्चार्ज भइसकेका छन् ।

संक्रमितहरुको कोशी अस्पताल कोभिड १९ उपचार केन्द्र विराटनगर, विपी कोइराला स्वास्थ्य विज्ञान प्रतिष्ठान धरान र पूर्वाञ्चल विश्वविद्यालयको मेडिकल कलेज गोठगाउँमा उपचार भइरहेको छ ।