आरडीटी नेगेटिभ युवतीद्धारा झुण्डिएर आत्महत्या, शब परीक्षण गर्दा कोरोना !

३ असार, सुर्खेत । आरडीटी नेगेटिभ देखिएपछि घर फर्किएर आत्महत्या गरेकी युवतीमा कोरोना संक्रमण पुष्टि भएको छ । सिम्ता गाउँपालिका ८ कि २५ वर्षीय युवतीले सोमबार बिहान आत्महत्या गरेकी थिइन ।

आत्महत्यापछि शब पोष्टमार्टमका लागि अस्पताल लगिदा कोरोना संक्रमण पुष्टि भएको हो । यससँगै कर्णलीमा कोरोना मृत्तकको संख्या ४ पुग्दा नेपालमा मृत्तकको संख्या २१ पुगेको छ । यसअघि मंगलबार बाँकेमा एक युवतीको उपचारका क्रममा मृत्यु भएको थियो ।

पछिल्लो समय कोरोनाको संक्रमण बढेसँगै मृत्तकको संख्या पनि बढ्दै गएको छ । तर सरकारले लकडाउनले गर्दा नागरिकको अवस्था दयनीय भएको भन्दै लकडाउन खुकुलो पारेको छ ।