चिकित्साशास्त्र अध्ययन संस्थानको डिनमा डा दिब्या शाह

३ असार, काठमाडौं । सरकारले त्रिभुवन विश्वविद्यालय चिकित्साशास्त्र अध्ययन संस्थान आईओएम डीनमा डा. दिव्या सिंह शाहलाई नियुक्त गरेको छ ।

त्रिवि कार्यकारी परिषद्ले प्रधानमन्त्री केपी शर्मा ओलीका निजी चिकित्सकसमेत रहेकी शाहलाई डिनमा नियुक्त गरेको हो ।बुधबार प्रेम ज्ञवालीको संयोजकत्वमा गठित सर्च कमिटीले शाहसँगै प्रा. डा.प्रदीप वैध र प्रा. डा. उत्तमकृष्ण श्रेष्ठको नाम डिनका लागि सिफारिस गरेको थियो ।

आईओएमका तत्कालीन डिन प्रा. डा. जगदिशप्रसाद अग्रवालले उमेर हदका कारण २१ जेठमा अवकाश पाएका थिए । अग्रवाललाई बरिष्ठताका आधारमा डिनमा नियुक्त गर्न डा. गोविन्द केसीले अनसनका क्रममा माग गरेका थिए ।