आइओएम डीन नियुक्तीको विरोधमा कार्यालयमा तालाबन्दी

४ असार, काठमाडाैं । सत्तारूढ नेपाल कम्युनिष्ट पार्टी नेकपाको भातृ विद्यार्थी संगठन अनेरास्ववियूले चिकित्सा शिक्षा अध्ययन संस्थान (आइओएम) मा तालाबन्दी गरेको छ।

डाक्टर दिव्यासिंह शाहलाई आइओएमको डिन नियुक्त गरिएको विरोधमा बिहीबार अनेरास्ववियू क्याम्पस कमिटीले तालाबन्दी गरेको हो। बुधबार डाक्टर सिंहलाई डिन नियुक्त गरिएको थियो।

उनीहरुले स्वास्थ्य क्षेत्र सुधारका लागि डा.गोविन्द केसीले संघर्ष गरिरहेको अवस्थामा भागवण्डा र निकटताका आधारमा भएको डीन नियुक्ती स्वीकार्य नहुने र उनको आन्दोलनमा सहभागिता र ऐक्यवद्धता जनाएको व्यक्तिनै नेताको टिका लगाएर डीन बन्ने प्रवृत्ति अंगालेर दोहोरो चरित्र देखाएको भन्दै तालाबन्दी गरेका हुन् ।

बरिष्ठता र कार्यक्षमताका आधारमा डीन नियुक्ति हुनुपर्ने माग यसअघि नै कर्मचारी संगठन, नेपाल विद्यार्थी संघ लगायतले राखेका थिए । उनीहरूले निर्णय नसच्याइए शशक्त आन्दोलन गर्ने चेतावनी समेत दिएका छन् ।