फागुनसम्ममा कोरोना नियन्त्रणमा आउने प्रधानमन्त्रीको अनुमान

४ असार, काठमाडाैं । प्रधानमन्त्री केपी शर्मा ओलीले आगामी फागुनसम्ममा कोरोना नियन्त्रणमा आउने सरकारी अनुमान रहेको बताएका छन् ।

संघीय संसदको राष्ट्रियसभा बैठकमा सांसदहरूले उठाएको प्रश्नको जवाफ दिदै प्रधानमन्त्री ओलीले भारतको सिमाबाट ह्वाह्वारी आउन नदिने र बाहिरबाट आउने क्वरेन्टाइनमा राख्ने अबस्था बढायौँ भने फागुनसम्ममा नियन्त्रण आउने बताएका हुन् । अ

कोरोना संक्रमणका बिरामी भेटिने क्रम बढिरहेको भन्दै उनले भने साउन अन्तिमसम्म कोरोनाको संक्रमित बढ्ने क्रम निरन्तर रहने भन्दै असोज कार्तिकसम्ममा कोरोना संक्रमितको संख्या कम गर्न सकिने बताएका छन् ।

उनले भने, ‘दशैं तिहार र छठ जस्ता चाडहरु आउँदैछन् । यो चाड सधैँ रमाइलो हुन्थ्यो । यसपटक फेरि संक्रमण बढाउँछ भन्ने अवस्था छ । यदि यसले हाम्रो ग्राफ बढाइदियो भने उधो झर्दै गरेको ग्राफ मंसिरमा फेरि अलिकति मास्तिर जान सक्छ ।’