डीन नियुक्तिको सर्वत्र बिरोध, नेबिसंघले आन्दोलन थाल्नुपर्ने युवानेता भण्डारीको सुझाव

४ असार, काठमाडौं । नेपाली कांग्रेसका युवानेता क्षितिज भण्डारीले नेकपा सरकारले स्वास्थ्य क्षेत्रमा भ्रष्ट्राचार गर्दै चिकित्सा क्षेत्रमा राजनीति आस्थाका आधारमा अयोग्य व्यक्तिको नियुक्ति गरेको विरुद्धमा नेपाली कांग्रेसले कडा आन्दोलनको कार्यक्रम ल्याउनुपर्ने बताएका छन् ।

नेबिसंघका पुर्व कावा केन्द्रीय अध्यक्ष समेत रहेका भण्डारीले डा. गोबिन्द केसीसँग अनशन तोडने क्रममा भएको वरिष्ठताको आधारमा डीन लगायतका नियुक्तिको सम्झौता विपरित त्रिविवि, चिकित्सा शास्त्र अध्ययन संस्थान (आईओएम) डीनमा प्रधानमन्त्री ओलीका निजी चिकित्सक डा. दिव्यासिंह शाहलाई ३३ औं नम्बरबाटै ठाडै तानेर नियुक्ति गरिएकोमा बिरोध गरेका छन् ।

नेता भण्डारीले राष्ट्रको सर्वोच्च पदमा वरिष्ठतम व्यक्तिहरुलाई लत्ताएर आफू र आफ्नो समुहलाई संबैधानिक मर्यादाक्रम विपरित पदक वितरणमा समेत विवादित व्यक्ति डा.दिव्या जुनियर रहेकोले नेपाल विद्यार्थी संघले तत्काल डीन कार्यालयमा तालाबन्दी गरेर निर्णय सच्चाउने आन्दोलन गर्न अनुरोध गरेका छन् । डा.दिव्या त्रिवि शिक्षण अस्पतालको मिर्गौला विभाग प्रमुख पनि भएकोले प्रधानमन्त्री केपी शर्मा ओलीको चिकित्सकभन्दा पनि पावरको आधारमा निर्णय गराउने दिव्या शक्ति नारीको रूपमा मिडियामा समेत बदनाम पात्र भएको भण्डारीको दावी छ ।

नेपाली कांग्रेस निकटका प्राध्यापकहरुले जेठ २२ मा प्रा. डा. जगदीश अग्रवालले उमेरको हदका कारणले अवकाश पाएदेखि नै उक्त पदमा वरिष्ठताको आधारमा नियुक्तिको माग गरेपनि विधि र सहमति लत्ताएर चोर बाटोबाट गरिएको नियुक्ति खारेज गर्न प्रधानमन्त्रीसँग माग गरेका हुन् । नेता भण्डारीको दावी छ की प्रधानमन्त्रीले दलको भर्तीकेन्द्र बनाएको त्रिवि कार्यकारी परिषद्को बुधबार बैठकमा जवर्जस्ती सर्च कमिटीमा ३ जनामध्येमा सिफारिसमा पारिएकी डा.शाहलाई उपकुलपति धर्मकान्त बाँस्कोटाले पनि दवाव थेग्न नसकेर निर्णय गरिएको बताएकाले सबैलाई छानविनको दायरा ल्याएर कार्वाही गर्न माग गरेका हुन् ।

अहिले अनेरास्ववियु लगायतले तालाबन्दी गरेपछि सुरक्षाव्यवस्था निकै कडा पारिएको अस्पताल प्रशासनले जनाएको छ ।