विश्वभर कोरोनाबाट ४ लाख ५६ हजारको मृत्यु, ८५ लाख सङ्क्रमित

५ असार, काठमाडौं । विश्वभर कोरोना भाइरसको सङ्क्रमणबाट मृत्यु हुनेको संख्या ४ लाख ५६ हजार नाघेको छ ।वर्ल्डोमिटर्सको तथ्यांक अनुसार शुक्रबार बिहानसम्म विश्वभरमा कोरोनाको संक्रमणबाट मृत्यु हुनेको संख्या ४ लाख ५६ हजार २ सय ८४ पुगेको छ भने संक्रमितको संख्या ८५ लाख ७८ सय १० पुगेको छ ।

यस्तै विश्वभरमा कोरोनाबाट संक्रमण भएका ४५ लाख ३० हजार २ सय ६० जना उपचारपछि निको भएका छन् ।हालसम्म अमेरिकामा मात्र कोरोनाको संक्रमणबाट १ लाख २०  हजार ६ सय ८८ जनाको मृत्यु भएको छ भने संक्रमितको संख्या २२ लाख ६३ हजार ६ सय ५१ पुगेको छ । त्यस्तै अमेरिकामा कोरोना संक्रमित ९ लाख ३० हजार ९ सय ९४ जना निको भइसकेका छन् ।

त्यस्तै ब्राजिलमा कोरोनाको संक्रमणबाट मुत्यु हुनेको संख्या ४७ हजार ८ सय ६९ पुगेको छ भने संक्रमितको संख्या ९ लाख ८३  हजार ३ सय ३९ पुगेको छ । त्यस्तै अर्को देश रसियामा कोरोनाबाट मृत्यु हुनेको संख्या ७ हजार ६ सय ६०  पुगेको छ भने संक्रमितको संख्या ५ लाख ६१ हजार ९१ पुगेको छ ।

यसैबीच भारतमा कोरोना सङ्क्रमितको संख्या ३ लाख ८१ हजार पुगेको छ । सङ्क्रमितमध्ये १ लाख ९४ हजार निको भएका छन् । १२ हजार २ सय ६२ जनाको ज्यान गएको वल्र्डओमिटरले जनाएको छ ।