सेयर बजारको पुँजीकरण : १० महिनामा ३१ अर्बले घट्यो

५ असार, काठमाडौं । पछिल्लो समय सेयर बजार (स्टक मार्केट) पनि लगानीको राम्रो क्षेत्रको रुपमा विश्वभर उदाईरहेको अवस्थामा सेयर बजारको पुँजीकरण १० महिनामा ३१ अर्बले घटेको जनाएकाे छ । धेरै जसो सेयर बजार ओरालो लाग्दा पुँजीकरण १० महिनामा ३१ अर्ब ८ करोड रुपैयाँले घटेकाे नेपाल राष्ट्र बैंकले जनाएकाे हाे ।

तेसाे त बैंकले दिएकाे जानकारीसँगै सेयर कारोबार मापक नेप्से परिसूचकसँगै पुँजीकरण समेत घटेको छ ।  २०७६ असार मसान्तमा १५ खर्ब ६७ अर्ब ५० करोड रहेको बजार पुँजीकरण चालु आर्थिक वर्षको १० महिना अर्थात वैशाख मसान्तसम्म घटेर १५ खर्ब ३६ अर्ब ४२ करोड कायम भएको राष्ट्र बैंकले जनाएको छ ।

यस्तै नेप्से परिसूचक पनि यस अवधिमा करिब ५८ अंकले घटेको छ । २०७६ असार मसान्तमा १ हजार २५९ रहेको नेप्से परिसूचक १० २०७७ वैशाख मसान्तमा घटेर १ हजार २०१ दशमलव ५९ अंकमा मा झरेको हो ।

वार्षिक विन्दुगत आधारमा हेर्ने हो भने नेप्से परिसूचक १ सय ४ अंकले घटेको छ । हाल १ हजार २०१ दशमलव ५९ अंकमा रहेको नेप्से परिसूचक २०७६ बैशाख मसान्तमा १ हजार ३१५ दशमलव ५ विन्दु रहेको थियो ।