गोरखामा काेराेना संक्रमितको संख्या ६९ पुग्याे

९ असार, गोरखा । गोरखामा मंगलबार थप १८ जना काेराेना संक्रमित थपिएका छन् ।  भीमसेन थापा गाउँपालिकाका १२, शहिद लखन गाउँपालिकाका ३ र बारपाक सुलिकोट, गण्डकी र अजिरकोट गाउँपालिकाका १ र १ जनामा संक्रमण पुष्टि भएको हो ।

यससँगै गोरखामा संक्रमितको संख्या ६९ पुगेको छ । त्यसमध्ये ८ जना निको भएर घर फर्किसकेका छन् । मंगलबार थपिएका संक्रमितमा ३ वर्षीय बालकदेखि ५८ वर्ष उमेर समूहका छन् । उनीहरु मध्ये अधिकांश भारतबाट आएर क्वारेन्टाइनमा बस्दै आएका हुन् ।