अख्तियार विधेयक अगाडी नबढाउन राप्रपाको माग

११ असार, काठमाडौँ । निजी क्षेत्रको भ्रष्टाचार अनुसन्धान गर्ने जिम्मा अख्तियारलाई दिने सरकारको योजनाका बारेमा राप्रपाले विरोध जनाएको छ ।

देश कोरोना महामारीमा फसेका बेला अख्तियार दुरुपयोग अनुसन्धान आयोगको कार्यक्षेत्र बिस्तार गरेर निजी क्षेत्रको भ्रष्टाचार समेत अनुसन्धान गर्ने जिम्मा दिनु गलत रहेको राप्रपाको तर्क छ ।

अहिलेको विषम परिस्थितीमा अख्तियारको कार्यक्षेत्र बढाउने विधेयक अगाडी बढाउन नहुने राप्रपाका अध्यक्ष मण्डल प्रकाशचन्द्र लोहनी, कमल थापा र पशुपति शम्शेर राणाको माग छ । साथै तीनै नेताले बर्षाको खेतीपाटी सिजनमा मलको आपूर्ति पर्याप्त रुपमा गर्न सरकारसँग माग गरेको छ ।