शुरुमै चर्को आलोचना भएपछि ओली स्थायी समिति बैठकमा अनुपस्थित

१२ असार, काठमाडौँ । पहिलो दिनको बैठकमै विवाद उत्पन्न भएपछि सत्तारूढ नेपाल कम्युनिष्ट पार्टी नेकपाको स्थायी समिति बैठकमा प्रधानमन्त्री केपी शर्मा ओली अनुपस्थित भएका छन ।

कार्यकारी अध्यक्ष प्रचण्डलाई बैठकको जिम्मेवारी दिएर प्रधानमन्त्री ओली बैठकमा अनुपस्थित भएको बालुवाटार स्रोतले जनाएको छ । पार्टीमा चर्को असन्तुष्टि भएपछि ओली आजको बैठकमा अनुपस्थित भएका हुन ।

अर्का अध्यक्ष प्रचण्ड र पार्टीका बरिष्ठ नेताहरुसँग यसअघि देखि नै ओली असन्तुष्ट थिए । बुधबारदेखि शुरु बैठकको पहिलो दिनमै प्रचण्डले ओलीप्रति गुनासो गर्दै चर्को आलोचना गरेका थिए ।

अर्का अध्यक्षबाटै आलोचना खेपेपछि स्थायी समितिले झन आलोचना गर्ने डरले पनि प्रधानमन्त्री ओली बैठकमा अनुपस्थित भएका हुन । बैठकमा आजदेखि सदस्यहरुले बोल्ने क्रम शुरु भएको छ ।