कैलालीका कोरोना संक्रमितको भरतपुर अस्पतालमा मृत्यु

१३ असार, काठमाडौं । चितवनको भरतपुर अस्पतालमा उपचाररत कोरोना संक्रमित एकजनाको मृत्यु भएको छ ।कैलालीको गोदावरी नगरपालिका ७ का ५० वर्षीय पुरुषको शनिबार विहान ६:३५ बजे मृत्यु भएको अस्पतालले जनाएको छ । यससँगै नेपालमा कोरोना संक्रमणबाट मृत्यु हुनेहरुको संख्या २८ पुगेको छ ।

सूचना अधिकारी लिलाधर पौडेलले फोक्साको क्यान्सरको उपचार भइरहेको अवस्थामा असार ११ गते काेराेना पुष्टि भएपछि भरतपुर अस्पताल ल्याइएका पुरूषको मृत्यु भएको पुष्टि गरे।

आफन्तसँगको परामर्शपछि सेना र प्रहरीबाट शव व्यवस्थापनको तयारी रहेको छ । यसअघि पनि भरतपुर अस्पतालमा एक जना संक्रमितको मृत्यु भएपछि सेनाले शव व्यवस्थापन गरेको थियो ।