नगरपालिका उपप्रमुख झा सहितको सहभागीतामा नागरिकता विद्येयकको विरोध

धीरुभाइ

१३, असार सप्तरी । जनता समाजवादी पार्टी सप्तरी आवद्ध महिला नेतृहरुले नागरिकता संशोधन विद्येयकको विरोधमा आज प्रदर्शन गरी सडकमा धर्ना बसेका छन । महिला नेतृहरुले सरकारको विरुद्ध चर्को नाराबाजी गर्दै गरिएको प्रदर्शन राजविराज नगरको विभिन्न भागको परिक्रमा गरेको थियो ।

प्रदर्शन जनआन्दोलन चोकमा पुगेर नेतृहरुले सडकमै धर्ना बसेका थिए । सरकार विरुद्ध लेखिएको विभिन्न प्लेकार्ड झुण्ड्याएर चर्को नाराबाजी गर्दै नगर परिक्रमाको क्रममा सो विद्ययेक खारेजीको माग गरेको थियो । सो प्रदर्शनमा महिला नेतृहरु राजविराज नगरपालिका उपप्रमुख साधना झा, रमिला साह, पूनमकुमारी यादव, गिता यादव, लगायतको सहभागीता रहेको थियो ।