कृषिमन्त्री भुसाल भन्छन- ‘सलह किराबाट आत्तिनु पर्दैन’

१४ असार, काठमाडौं । भारतमा वितण्डा मच्चाएर नेपाल आएको सलह किराबाट नआत्तिन कृषि तथा पशुपंक्षी विकासमन्त्री घनश्याम भुसालले आग्रह गरेका छन । कृषिविज्ञहरुलाई मन्त्रालयमा बोलाएर छलफल गरेका मन्त्री भुसालले अहिले सानो झुण्डमात्रै भारतबाट नेपाल आएकाले सलहबाट आत्तिनुनपर्ने दाबी गरेका हुन ।

यसका लागि सरकारले संयुक्त राष्ट्र संघ र भारतीय अधिकारीहरुसँग समन्वय गर्ने पनि उनको भनाई छ । विज्ञहरुले भारतको राजस्थानबाट सलह किराको अझै ठूलो मुभमेन्ट हुने देखिएको जानकारी गराएका थिए ।

हालसम्म नेपालमा देखिएको सलह किराको बथान सानो रहेको र यसले धेरै क्षति नपुर्याएको भन्दै कृषि मन्त्रालयले किसानहरुलाई नआत्तिन भनेको छ । नेपाल प्रवेश गरेका सलह, सलह पुगेको जिल्ला, त्यसले पुर्याएको क्षति, ती सलहको सम्भावित यात्रालगायतका विषयमा मन्त्रालयले पत्रकार सम्मेलन गरेर जानकारी दिने बताएको छ ।