फेसबुकसँग डिभोर्स गर्ने भाइबरको घोषणा

१४ असार, काठमाडौँ । सामाजिक सञ्जाल भाइबरले पनि फेसबुकसँग डिभोर्स अर्थात सम्बन्ध तोड्ने घोषणा गरेको छ । फेसबुकले सामाजिक तथ्यांक र समाजलाई सही दिशमा डोहोर्याउन नसकेको भन्दै भाइबरले फेसबुकसँगको सम्बन्ध तोड्ने घोषणा गरेको हो ।

भाइबरले विज्ञप्ति जारी गर्दै फेसबुकसँग सबै खाले सहकार्य तोड्ने घोषणा गरेको हो । केही समयअघि रंगभेदविरुद्ध अमेरिकामा चलेको हप्तौ लामो आन्दोलनमा पनि साथ दिएको थिएन । उल्टै सामाजिक सञ्जालमा हालिएका ती फोटोहरु फेसबुकमा हेर्न नमिल्ने बनाएको थियो ।

अमेरिकी केही संगठनले यसअघि फेसबुकसँगको सम्बन्ध तोडेको घोषणा गरेका थिए । यसले उसलाई दिने विज्ञापन पनि कटौती गर्ने ती कम्पनीको भनााई छ ।

भाइबरले ‘स्टप हेट फर प्रफिट’ नामक अभियानलाई समर्थन गर्दै फेसबुकसँगको व्यावसायिक सम्बन्ध तोडेको विज्ञप्तिमा जनाइएको छ । अरु संगठन र अभियानले पनि फेसबुकसँगको तोडेपछि उसलाई आर्थिक संकट पर्न सक्ने अनुमान गरिएको छ ।

फेसबुकले टवीटर, भाइबर लगायतका अरु सामाजिक सञ्जालसँग पनि सम्बन्ध टिकाउन सकेको छैन ।