ओली अभिव्यक्तिमा लुकेको हतास मनस्थिति

१५ असार, काठमाडौं । नेपाल कम्युनिष्ट पार्टीका अध्यक्षसमेत रहेका प्रधानमन्त्री केपी ओली जब राजनीतिक संकटमा पर्छन् एउटा नयाँ फण्डा थालिहाल्छन् । अहिले त्यस्तै फण्डा तयार गरेका छन् – भारतले उनको प्रधानमन्त्री पद खोस्दैछ । हिजो सरकारी निवासमा मदन भण्डारी फाउण्डेसनले आयोजना गरेको कार्यक्रममा ओलीले बढो गम्भिर भएर भने– मैले भारतले अतिक्रमण गरेको भूमि समेटेर नयाँ राजनीतिक नक्शा जारी गरेपछि भारतीयलाई छटपटी भएको छ । साथै, केही नेताहरु पनि भारतसँग मिलेर मलाई पदमुक्त गर्न चाहन्छन् ।

प्रधानमन्त्री जस्तो गरिमामय पदमा बसेर उनले गरेको टिप्पणीलाई धेरैले घटिया राजनीतिक चालबाजी भने । किनभने संसदले पारित गरेको नयाँ राजनीतिक नक्शा उनले मात्रै बनाएका होइनन्, सिंगो मुलुक एकढिक्का भएर पारित भएको हो । बरु उनी आफू चाहिं यसको पक्षमा थिएनन् । नेकपाका एक केन्द्रीय सदस्यले भने– सरकारले ल्याउन लागेको नीति तथा कार्यक्रममा यो विषय परेकै थिएन । जब यसबारे जानकारी दिन ओलीले सचिवालय बैठक डाके, त्यहाँ नेताहरुले नक्शा जारी गर्न दबाब दिएपछि मात्रै यो विषयले संसदमा प्रवेश पाएको हो ।

साथै, नयाँ नक्शा जारी गर्न प्रतिपक्षी नेपाली कांग्रेसलगायत समुचा राष्ट्र एकजुट भएको विषयलाई लुकाएर एक्लो जस लिन खोजेकोमा नेपाली कांग्रेसका नेता गुरुराज घिमिरेले आपत्ति जनाए । कांग्रेसलगाय सबै प्रतिपक्षीको साथ र सहयोगमा जारी गरिएको नयाँ नक्शा ओलीले एक्लै जारी गरेको हावादारी गफ दिनुको कुनै अर्थ छैन – कांग्रेस केन्द्रीय सदस्य घिमिरेले भने ।

यथास्थितिमा ओलीलाई सत्तामा टिकाउने पक्षमा नेकपा नै छैन भने यसमा भारतलाई घिसार्नुको कुनै अर्थ छैन– उनले भने । भारत साँच्चै चिढिएको भए नेपाली कांग्रेसलगायत विपक्षी पार्टीसँग होला तर ओलीसँग छैन, उनले दावी गरे । नेपालको कार्यकारी प्रमुखले यस्तो पँधेर्नी गफ गर्नु भनेको सिंगो राष्ट्रको इज्जत दाउमा राख्नु हो उनले भने –ओहदामा बसेका नेताले पदीय मर्यादा र कुटनीतिक क्षमतासमेत प्रदर्शन गर्न सक्नुपर्छ ।

नेकपाकै अर्का नेताले भने – यो सबै विषयान्तर गर्ने ओलीको चालबाजी मात्रै हो । राजनीतिक रुपमा ठूलो संकटको भूमरीमा फसेका ओलीले नयाँ फण्डा मात्रै फालेका हुन्– उनले दावी गरे । ओलीको राजीनामा पार्टी बैठकमा धेरै अगाडिदेखि नै मागिसकिएको अवस्था हो, कोरोना कहरले मात्रै अहिले रोकिएको हो । सचिवालय बैठकमा यो मुद्धाले प्रवेश पाइसकेको छ । अहिले फेरि जारी स्थायी कमिटी बैठकमा पनि ओलीको राजीनामा माग्ने तयार भईरहेका बेला उनले नयाँ फण्डा तयार गरेका हुन्– ती नेताले भने ।

हुन पनि ओली नयाँ नयाँ फण्डा तयार गर्न माहिर नै छन् । राजनीतिक रुपमा ठूलो संकटमा परेका बेला उनले अप्रासंगिक रुपमा यो मुद्धाको उठान गरेका छन् । स्थायी कमिटीमा आफ्नो राजीनामा माग्ने तयारी भएको उनले भेउ पाइसकेका छन् ।त्यसैले यो नयाँ फण्डा तयार गरेका हुन् – उनको तर्क छ । ओलीले भने अनुसारको अवस्था हो भने भारतले उनको विकल्पमा कसलाई खडा गर्ला त ? राजपा नेता बृषेशचन्द्र लालले प्रश्न गरे । नेपालको नयाँ राजनीतिक नक्शाप्रति आपत्ति हो भने भारतको पक्षधर कुुन पार्टी वा नेता होलान् त भन्दै उनले नेकपाकै बलमा बनेको यो सरकार गि¥यो भने नेकपाकै कारण मात्र हुने उनको भनाई छ ।

बरु भारतलाई चिढ्याएर अझै समस्या चुलियोस् र नक्कली राष्ट्रवादको डम्फु बजाउने मौका मिलिरहोस् भन्ने चाहना नै छर्लङ्ग भएको बताए । राजपा नेता बृषेशचन्द्र लाल भन्छन्– नक्शा जारी गर्दा आफ्नो पद धरापमा परेको टिप्पणी गर्नु भनेको रुञ्चे तर्क हो । अब जनताले यस्ता गोहीहरुको आँसु पत्याउन छाडेका छन् ।

झण्डै दुई तिहाई समर्थन रहेको नेकपाको सरकार भारतले बनाएको थियो भने उसले ढाल्न सक्थ्यो, नत्र यस्ता बकमफुसे गफ गरेर जनतालाई बेबकुफ बनाउने प्रयास बन्द गरिनुपर्ने उनको तर्क छ । कि त ओलीले भन्नु प¥यो सरकार बनाउँदा पनि मैले भारतको साथ लिएको थिएँ, अब विश्वास गुमाएँ, उसले हटाउँदैछ – नेता लालको भनाई छ ।

वास्तवमा ओली सरकारमाथि आन्तरिक चुनौतीको पहाड रहेको स्पष्ट गर्दै कांग्रेस केन्द्रीय सदस्य घिमिरे भन्छन्– नाँच्न जान्दैन, आँगन टेढो भनेजस्तो भएको छ । यथास्थितिमा ओलीलाई सत्तामा टिकाउने पक्षमा नेकपा नै छैन भने यसमा भारतलाई घिसार्नुको कुनै अर्थ छैन– उनले भने । भारत साँच्चै चिढिएको भए नेपाली कांग्रेसलगायत विपक्षी पार्टीसँग होला तर ओलीसँग छैन, उनले दावी गरे । नेपालको कार्यकारी प्रमुखले यस्तो पँधेर्नी गफ गर्नु भनेको सिंगो राष्ट्रको इज्जत दाउमा राख्नु हो उनले भने –ओहदामा बसेका नेताले पदीय मर्यादा र कुटनीतिक क्षमतासमेत प्रदर्शन गर्न सक्नुपर्छ ।

यसको मतलब ओली केवल नक्शा जारी गर्न मात्र तयार देखिए, नकी गुमेको भूमि फिर्ता ल्याउन – नेता घिमिरे भन्छन् । साँच्चै गुुमेको भूभाग फिर्ता ल्याउने भए यस्ता गैरजिम्मेवार टिप्पणी अवश्य पनि गर्ने थिएनन् ओलीले भन्दै बरु भारतलाई चिढ्याएर अझै समस्या चुलियोस् र नक्कली राष्ट्रवादको डम्फु बजाउने मौका मिलिरहोस् भन्ने चाहना नै छर्लङ्ग भएको बताए । राजपा नेता बृषेशचन्द्र लाल भन्छन्– नक्शा जारी गर्दा आफ्नो पद धरापमा परेको टिप्पणी गर्नु भनेको रुञ्चे तर्क हो । अब जनताले यस्ता गोहीहरुको आँसु पत्याउन छाडेका छन् ।

उनी भन्छन्– यदि प्रधानमन्त्री ओलीले भने जस्तै सरकार ढाल्न होटल होटलमा भेला भएको र त्यसमा भारतीय राज्यसंयन्त्र नै संलग्न हो भने तत्कालै राजदूत बोलाएर स्पष्टीकरण लिन सक्नुपर्छ । हैन पार्टी भित्रको राजनीतिक चालबाजीका लागि मात्रै यस्तो टिप्पणी गरेको भए नेपाल र नेपालीका लागि दुर्भाग्यपूर्ण हुने उनको तर्क छ ।

भारतीय प्रधानमन्त्रीले नेपालसँगको सीमा विवादबारे अहिलेसम्म कुुनै टिप्पणी गरेका छैनन्, तर ओलीलाई चाहिं बोल्न केले प्रेरित गरेको हो ? उनी प्रश्न गर्छन् । केवल कागजमा मात्रै नेपाली भूमि राख्ने ओलीको चाहना भएको उनले आरोप लगाए । हामीले पनि नेपाली भूमि फिर्ता गर्नुपर्छ भनेर संविधान संशोधनको पक्षमा मतदान गरेका छौं, यो ओलीलाई राजनीति गर्न मात्रै दिइएको समर्थन हैन – उनले थपे ।

प्रधानमन्त्रीको ओहदामा बसेका ब्यक्तिले दिएको अभिव्यक्तिलाई विश्व कुटनीतिले बढो गम्भिर रुपमा लिएको धारणा नेपाली कांग्रेसका नेता एवं भारतका लागि पूूर्व नेपाली राजदूत दीपकुमार उपाध्यायको तर्क छ । उनी भन्छन्– यदि प्रधानमन्त्री ओलीले भने जस्तै सरकार ढाल्न होटल होटलमा भेला भएको र त्यसमा भारतीय राज्यसंयन्त्र नै संलग्न हो भने तत्कालै राजदूत बोलाएर स्पष्टीकरण लिन सक्नुपर्छ । हैन पार्टी भित्रको राजनीतिक चालबाजीका लागि मात्रै यस्तो टिप्पणी गरेको भए नेपाल र नेपालीका लागि दुर्भाग्यपूर्ण हुने उनको तर्क छ ।

नेकपाकै एकजना केन्द्रीय सदस्य भन्छन् – ओलीले आफूमाथिको संकट टार्न मात्रै यस्तो फण्डा गरेका हुन् । अब उनको औचित्य सकिएको पार्टीले निक्र्याेल गरिसकेको बेला यस्तो फण्डाले पद जोगाउने उनको बुझाई हुनसक्ने ती नेता बताउँछन् । तर अब भारतीय कार्ड प्रयोग गरेपनि ओलीले पदमा बस्ने राजनीतिक र नैतिक हैसियत गुमाइसकेका छन्, स्थायी कमिटीले यसबारे ठोस निर्णय लिने छ –ती नेताले भने । कुटनीतिक मर्यादा विपरित जथाभावी बोल्ने शैली र प्रवृत्तिले सिंगो पार्टी र मुलुकलाई नै क्षति पुग्ने उनको बुझाई छ । भोलि ओली पदमुक्त हुँदा राजनीति गर्न तयार गरिएको कार्ड मात्रै यो अभिव्यक्ति – उनी भन्छन् ।

अब जस्तो सुकै चालबाजी गरेपनि ओलीले पद छाड्नुको विकल्प छैन, उनी भन्छन् । एक व्यक्ति एक पदको नीति पास हुन्छ नै त्यसैले या त पार्टी अध्यक्ष वा प्रधानमन्त्री मध्ये एक पद छाड्नै पर्छ – ती नेताले भने ।