‘चीनले नेपाली भूमि मिचेको प्रतिवेदन बनाउनेको खोजी हुदै’

१५ असार, काठमाडौं । सरकारले चीनले नेपाली भूमि मिचेको प्रतिवेदन दिनेलाई कारबाही गर्ने भएको छ । परराष्ट्रमन्त्री प्रदीपकुमार ज्ञवालीले चीनले नेपाली भूमि अतिक्रमण गरेको भनिएको प्रतिवेदन कसले बनाएको हो ? भन्ने विषयमा अनुसन्धान भइरहेको बताएका छन ।

राष्ट्रियसभा बैठकमा बोल्दै परराष्ट्रमन्त्री यादवले सिंहदरबारको कुन कारखानामा प्रतिवेदन बनेको हो ? भन्ने विषयमा अनुसन्धान भइरहेको र दोषी पत्ता लागे कारबाही हुने बताएका छन । यसअघि विभिन्न राष्ट्रिय दैनिकले कृषि तथा पशुपंक्षी विकास मन्त्रालयबाट बाहिरिएको प्रतिवेदनलाई आधार मानेर चीनले नेपाली भूमि मिचेको समाचार प्रकाशन गरेका थिए ।

तर यो समाचारको परराष्ट्र मन्त्रालयले खण्डन गरेपछि राष्ट्रिय दैनिकले अनलाइन संस्करणबाट समाचार हटाएर दैनिक पत्रिकामै माफी मागेका थिए । यसरी नेपाल र चीनबीच सम्बन्ध बिगार्ने हेतुले समाचार प्रकाशन गर्न उच्काउने प्रतिवेदनकर्तालाई परराष्ट्रमन्त्रीले कारबाही गर्ने बताएका हुन ।