लकडाउन फेरि कडा पारिदै, अब घरमै क्वारेन्टाइन बस्न पाइने

१५ असार, काठमाडौँ । सर्वसाधारणले लकडाउन उंल्लघन गरेर कोरोना फैलाउन लागेको भन्दै सरकारले लकडाउन फेरि कडाई गर्ने तयारी गरेको छ । संकट व्यवस्थापन केन्द्र सिसिएमसीको बैठकले लकडाउन थप कडा पार्ने निर्णय गरेको हो । यो निर्णय मन्त्रिपरिषदबाट पारित हुन बाँकी छ ।

कोरोनासँगै बाच्नुपर्ने बाध्यतालाई बुझ्दै लकडाउन व्यवस्थित गर्ने, सामाजिक दुरी कायम गर्न सचेत गराउने र सबै ठाउँमा निगरानी बढाउने सरकारको तयारी छ । साथै रोकिएको परीक्षा, हुन लागेका परीक्षा अब गर्नुपर्ने परीक्षाका विषयमा छुट्टै तयारी गर्न सिएमसीले शिक्षा मन्त्रालयलाई भनेको छ ।

यसका साथै अब घरमै क्वारेन्टाइन बस्न दिइने भएको छ । होटल, क्वारेन्टाइनभन्दा घरमा सुरक्षित रहेकाले घरमै बस्न दिने सिएमसीको तयारी छ । विदेशबाट आएकालाई मात्रै होटलभन्दा घरमै क्वारेन्टाइन बस्न दिइने भएको हो । यो मन्त्रिपरिषद बैठकले पारित गरेपछि मात्रै लागु हुनेछ ।