कर्णाली प्रदेशका अर्थमन्त्रीको पद धरापमा

१६ असार, सुर्खेत । पार्टीभित्र चर्को आलोचना भएपछि कर्णाली प्रदेश सरकारका अर्थमन्त्री प्रकाश ज्वालाको पद धरापमा परेको छ । यस बर्ष पनि नेता र मन्त्रीमुखी बजेट ल्याएको भन्दै ज्वालाको पार्टीभित्रैबाट आलोचना भएको हो ।

यस बर्ष पनि मन्त्री ज्वालाले बजेट ल्याउँदा विधि नपु¥याएको भन्दै विपक्षी कांग्रेसले संसद बैठक अवरुद्ध पारेको छ । असार १३ र १४ गते बसेको नेकपा संसदीय दल, कर्णाली प्रदेशको बैठकमा पनि ज्वालाको आलोचना चुलिएपछि उनको पद धरापमा परेको हो ।

कर्णाली प्रदेशकै सांसद आफ्नै पार्टीका अर्थमन्त्रविरुद्ध खनिएपछि उनलाई अब पद जोगाउने केन्द्रिय नेताको भरोसा छ ।