भारतले होइन, प्रधानमन्त्री ओलीको राजीनामा मैले मागेको हुँ : प्रचण्ड

१६ असार, काठमाडौं । सत्ता जोगाउन भारत कार्ड प्रयोग गरेका प्रधानमन्त्री केपी ओलीलाई अहिले आफ्नै बोली घाँडो भएको छ । आइतबार ओलीले आपूmले नेपालको राजनीतिक नक्शा सार्वजनिक गरेपछि भारतको इशारामा पदबाट हटाउन खोजिएको भन्दै असन्तुुष्ट नेताहरुप्रति कटाक्ष गरेका थिए ।

ओलीको उक्त भनाईले राजनीतिक र कुटनीतिक क्षेत्रमा ठूलै तहल्का मच्चाएको थियो । उक्त प्रकरणले नेताहरुको मान मर्दन गरेको भन्दै नेकपाको जारी स्थायी कमिटी बैठकमा अर्का अध्यक्ष पुुष्पकमल दाहाल प्रचण्डले कडा प्रतिवाद गरे ।

ओलीजी तपाईंलाई भारतले हैन मैले हटाउन चाहेको हो, सरकारको मोर्चामा तपाईं पूर्ण असफल भइसक्नुुभयो, तत्काल राजीनामा गर्नुहोस्– बैठकमा प्रचण्डले भने । तत्कालै प्रचण्डको भनाईप्रति वरिष्ठ नेता झलनाथ खनाल, माधवकुमार नेपाल र वामदेव गौतमले पनि समर्थन जनाए ।

सत्ता जोगाउन अरुलाई अराष्ट्रवादी देखाउन खोज्ने भन्दै नेता खनाल पनि कड्एिको एकजना स्थायी कमिटी सदस्यले भने ।साथै, नेता नेपालले पनि सत्ता जोगाउन अरु नेताको इमानमाथि प्रश्न नउठाउन चेतावनी दिएका थिए । उनले पार्टीभित्र ओलीले एकलौटी गर्न खोजेको र सरकारी नियुुक्तिमा पनि विरोधीहरुलाई छानीछानी पारिएकोमा आपत्ति जनाए ।

नेताहरुको यस्तो अभिव्यक्ति आएपछि प्रधानमन्त्री ओलीले पनि ओठे जवाफ फर्काएका थिए । उनले भने– त्यसो भए हाम्रो स्थायी कमिटीमा उठेका सबै कुरा हुवहु भारतीय मिडियामा कसरी आयो त ?  शीर्ष नेताहरुबीचको चर्काचर्कीले बैठकको माहोल नै बेग्लै बनाइदिएको थियो । ओलीको शैली र प्रवृत्तिको स्थायी कमिटी बैठकमा जमेर आलोचना हुने धेरैले अनुमान गरेकै थिए ।

तर शीर्ष नेताहरुले नै यसरी राजीनामा माग्ने अवस्था भने बडो गम्भिर भएको छ । अब ओलीमाथि थप दबाब सिर्जना हुने अवस्था छ । ओली धेरै बाढो भएर भारत कार्ड प्रयोग गर्न खोज्दा आफैंलाई घाटा भएको देखिएको छ ।  स्थायी कमिटीको जारी बैठकले अन्त्यमा ओलीको राजीनामा माग्ने सम्भावना अब अझै बलियो बनाइ दिएको छ ।