धपेडी बढेपछि प्रधानमन्त्री ओली गंगालाल अस्पतालमा !

१७ असार, काठमाडौँ । राजीनामाको माग चर्केर धपेडी बढेपछि प्रधानमन्त्री केपी शर्मा ओली बाँसबारीस्थित गंगालाल हृदय रोग केन्द्र जाँच गर्न पुगेका छन । मुटुमा केही समस्या भएपछि उनी गंगालाल अस्पतालमा गएका हुन्।

स्थायी समिति बैठकमा धेरै आलोचनादेखि राजीनामा माग गरेपछि चिन्तित देखिएका ओलीलाई स्वास्थ्यमा समस्या देखिएको अनुमान छ । खासगरी मुटुमा दुख्न शुरु भएपछि उनलाई अस्पताल लगिएकाे बालुवाटार स्रोतले जनाएको छ । यद्यपी प्रधानमन्त्री ओलीका प्रेस सल्लाहकार सुर्य थापाले नियमित चेकजाँचका लागि प्रधानमन्त्री अस्पताल गएको बताएका छन् ।

मंगलबारको स्थायी समिति बैठकमा अर्का अध्यक्ष प्रचण्ड लगायतका नेताहरुले राजीनामा दिन माग गरेका थिए । त्यसयता ओलीको राजीनामा चर्केको छ । सोही कारण प्रधानमन्त्री अस्वस्थ्य भएको अनुमान गरिएको छ ।