ठूलो एकादशीका दिन भक्तपुरको मुहानपोखरीमा लायन्स क्लबले ग¥यो वृक्षारोपण

१७ असार, काठमाडौं । हरिबोधनी वा ठूलो एकादशी अर्थात बहुउपयोगी जडीबुटी तुलसी रोप्ने दिनको अवसर पारेर लायन्स क्लब अफ डिस्ट्रिक ३२५ ए २ ले आज भक्तपुरको मुहानपोखरीमा वृक्षारोपण कार्यक्रम सम्पन्न गरेको छ ।

सन् २०२०/२१ को पहिलो लायन्स इयरकै दिन भक्तपुरको ऐतिहासिक तथा पर्यटकीय क्षेत्र मुहानपोखरीमा डिस्ट्रिक गर्भनर डा. शुशीला मल्लसहितको उपस्थितिमा ६० वटा विभिन्न प्रजातिका रुखहरु रोपिएको लायन शम्भुबहादुर थापाले जानकारी दिएका छन् । खरिपाटीस्थित मुहानपोखरीमा रोपिएका विरुवाहरुमा रुद्राक्ष, कपुर, एभोकाडो लगायतका उन्नत जातका बोटविरुवा रहेका छन् ।

लायन्स डिस्ट्रिक ३२५ ए २ अन्तर्गत रहेका उत्कृष्ट काम गर्ने २७ वटा लायन्स क्लब र लियो क्लबको सयुक्त आयोजनामा सो कार्यक्रम आयोजना गरिएको थियो । लायन्स्का ईभेन्ट कोअर्डिनेटर तथा लायन्स् इयर २०२०/२१ का कल्चर एण्ड कम्युनिटी कमिटीका डिस्ट्रिक चीफ शम्भुबहादुर थापाको विशेष पहल र सक्रियतामा वृक्षारोपण कार्यक्रम भव्य रुपमा सम्पन्न भएको हो ।

सो कार्यक्रममा भक्तपुर जिल्लाका पूर्व लायन्स् प्रेसिडेन्ट केपी अवाले, वडा अध्यक्ष ज्ञानु केसी लगायत लायन्स क्लब अफ समृद्धिका लायन सदस्य तथा स्थानीय व्यक्तिहरुको उल्लेख्य उपस्थिति रहेको थियो ।