अनिवार्य मास्क अभियानमा आराध्या र क्यारोलिन निशुल्क राहत बाँड्दै

१८ असार, धनगढी । सुदुरपश्चिम प्रदेशमा ९ बर्षको नानी आराध्या भण्डारी र ७ बर्षकि क्यारोलिन भण्डारी मास्क बाँड्न बजार निस्किदा धेरैजना आश्चर्यचकित भए । कोरोना रोगीको घरबाटै टाढा बस्ने अनि अस्पताल नै शिल गरेर भाग्ने मनोबैज्ञानिक त्रास हटाउन केन्द्रीय विद्यालय काठमाडौमा अध्ययनरत दिदीबहिनीले कोरोना संक्रमित बस्ने कोरोना अस्पताल मै गएर नर्स र डाक्टरलाई जुस खुवाए भने बिरामीलाई मास्क, सेनेटाईजर साबुन, तेल, सर्फ, बाल्टी, ब्रेड, फलफुल आदि सामाग्री प्रमुख अतिथि व्यंग्यकार गडसेरी माईलामार्फत बितरण गरेका छन् ।

प्रमुख अतिथि माईलाले कार्यक्रमलाई सम्बोधन गर्दै हुने बिरुवा को चिल्लो पात झैं कलिला नानीहरुको सामाजिक सेवाकार्य अभियानको प्रशंसा गर्दै स्वर्गीय हरिप्रिया भण्डारीको साहित्यिक र राजनीतिक योगदान अनुकरणीय रहेको बताए । विशिष्ट अतिथि नेपाल महिला संघ कैलाली अध्यक्ष पुष्पा भट्टले साना नानीहरुकाे मास्क बितरण अभियानले नेपाली महिलाको नेतृत्व क्षमताको अभिबृद्दि हुने र प्रदेश मै स्वास्थ्य सचेतना बढ्ने बताइन् ।

युवानेता नृप सुनारले धनगढी उपमहानगरपालिका कोरोना अस्पताल, नेपाल पत्रकार महासंघ र अन्य स्थानमा युवानेता क्षितिज भण्डारीको अगुवाईमा मेयर नृप ओडमार्फत बेग्लै कार्यक्रममा स्वास्थ्य तथा दैनिक आवस्यक सामाग्री बितरण गरिएको बताए ।

कोरोनाको प्रादेशिक अस्पताल प्रशासन र बिरामीलाई राहत बितरणमा सहयोगको लागि सामाजिक विकास मन्त्रालय, पत्रकार प्रकाशबिक्रम शाह, प्रीन्सिपल बिष्णु दौल्यल, अस्पताल परिवारसहित सुरक्षा र सामाजिक दुरि अनुगमनका लागि प्रमुख तथा वडा प्रहरी कार्यालय धनगढीलाई आयोजक हरिप्रिया-प्रकाश फाउन्डेसनका अध्यक्ष प्रकाशनारायण भण्डारीले धन्यवाद दिएका छन् ।